Muvazzafun dhekki hiyvarun 3 furaana salaamaiy koffi: MTCC

ހަބަރު / އެމްޓީސީސީ

އެމްޓީސީސީ ފެރީއެއް - ފޮޓޯ: އެމްޓީސީސީ

މުވައްޒަފުން ދެއްކި ހިތްވަރުން 3 ފުރާނަ ސަލާމަތްކޮށްފި: އެމްޓީސީސީ

ގުފްތަގް އަޖީރު

17 ޖެނުއަރީ 2025 - 21:08:17

ވިލިމާލޭގައި މޫދަށް އެރި އުޅުނު ތިން މީހަކު އޮޔާދަމައިގެން ދިޔުމުން، އެމްޓީސީސީގެ މުވައްޒަފުން ކުރި މަސައްކަތަށް އެ ކުންފުނިން ތައުރީފުކޮށްފިއެވެ.

މި ހާދިސާގައި އެމްޓީސީސީގެ ވިލިމާލެ ފެރީ އޮޕަރޭޓްކުރަމުންދިޔަ މުވައްޒަފުން ވަނީ ކާމިޔާބު އޮޕަރޭޝަނެއް ކުރިއަށް ގެންގޮސްފައެވެ.

"މި އޮޕަރޭޝަނުގައި އަޅުގަނޑުމެންގެ މުވައްޒަފުން ދެއްކި ހިތްވަރާއި ވިސްނުންތެރިކަމާމެދު އަޅުގަނޑުމެން ފަހުރުވެރިވަން. މިފަދަ ހާލަތްތަކަށް އަބަދުވެސް ތައްޔާރަށް ތިބުމަށްޓަކައި، އަޅުގަނޑުމެންގެ ޓީމަށް ސަލާމަތާއި ސަލާމަތްކުރުމުގެ ތަމްރީނު ދެމުން ގެންދަނީ މި ސަބަބަށްޓަކައި" -އެމްޓީސީސީ-

އެމްޓީސީސީން މިކަމާ ގުޅިގެން ބުނީ، މި އޮޕަރޭޝަނުގައި އެ ކުންފުނީގެ މުވައްޒަފުން ދެއްކި ހިތްވަރާއި ވިސްނުންތެރިކަމާމެދު އެ ކުންފުނިން ފަހުރުވެރިވާ ކަމަށެވެ. އަދި މިފަދަ ހާލަތްތަކަށް އަބަދުވެސް ތައްޔާރަށް ތިބުމަށްޓަކައި، އެ ކުންފުނީގެ ޓީމަށް ސަލާމަތާއި ސަލާމަތްކުރުމުގެ ތަމްރީނު ދެމުން ގެންދާ ކަމަށްވެސް ބުނެފައިވެއެވެ.

މި ހާދިސާއާ ގުޅިގެން ފުލުހުން ވެސް ވަނީ އެމްޓީސީސީގެ މުވައްޒަފުންގެ މަސައްކަތުން އޮޔާދަމައިގެން ދިޔަ މީހުން ސަލާމަތްކުރެވުނު ކަން ކަށަވަރުކޮށްދީފައެވެ.