ޝާހް ވިދާޅުވީ ނެޝަނަލް ސްޕޯޓްސް ކައުންސިލަށް ކުޅިވަރު ޤާނޫނުން މަތިކޮށްފައިވާ ޒިންމާތަކުގެ ތެރޭގައި ގައުމީ ކުޅިވަރު އެސޯސިއޭޝަންތަކާއި ހަވާލުވެ ކުޅިވަރު ހަރަކާތްތައް ހިންގުމަށް ޖާގަ ލިބިދީފައި އޮތްކަމަށް ނުބެލެވޭކަމަށެވެ.
ޖަމިއްޔާތައް ރަޖިސްޓްރީކޮށް ހިންގުމަށް ކަނޑައެޅިފައިވާ ގަވާއިދުގައި ބެންޑްމިންޓަން އެސޯސިއޭޝަަނަށް ކުރިމަތިވިވެފައިވާ ހާލަތުގައި ކަަންކުރަން ޖެހޭ އިޖްރާތްތައް ސާފުކޮށް ލިޔެވިފައި އެބައޮތްކަން ފާހަގަކުރައްވަމުން ޝާހް ވިދާޅުވީ މައްސަލައަކީ އެކި އެސޯސިއޭޝަންތަކާއި މެދު އަމަލުކުރުމުގައި ހަމަހަމަކަން ނެތުންކަމަށެވެ.
މާޒިން ފެންނަން އޮތީ 30/2015 ކުޅިވަރު ގާނޫނުގެ ދަށުން އައްޔަނު ކުރި ކޮންމެ ކޮމިޝަނާ އޮފް ސްޕޯޓްސް އައްޔަނު ކުރެވިފައިވަނީ ކޮންމެވެސް ކަމެއްގެ ބަދަލެއްގެ ގޮތުގައި ދެވޭ މަގާމެއްގެ ގޮތުގައި ކަމަށާއި އެހާވެސް ބުރަދަން ދަށް ގޮތެއްގައިދެވޭ މަގާމެކޭ ބުނުމުގެ ޖާގަ އޮތްކަމަށްވެސް ޝާހް ވިދާޅުވިއެވެ.
ބެޑްމިންޓަން އެސޯސިއޭޝަން ހިންގުމުގައި ކޮރަޕްޝަންގެ ސީރިއަސް މައްސަލަތަކެއް ފެންމަތިވެ އެ މައްސަލަތައް އެންޓިކޮރަޕްޝަން ކޮމިޝަނުން އަންނަނީ ބަލަމުންނެވެ. އަދި އޭގެ ބައެއް މައްސަލަތައް ޝަރީއަތާ ހަމައަށްވަނީ ގޮސްފައެވެ.
ސްޕޯޓްސް ކޮމިޝަނަރު މުހައްމަދު ތޮލާލް ބެޑްމިންޓަން އެސޯސިއޭޝަން އޮފް މޯލްޑިވްސް ހިންގުން ކުޅިވަރާ ބެހޭ ގައުމީ މަޖިލީހާއި މިދިޔަ އޮގަސްޓްމަހުގެ ތެރޭގައި ހަވާލުކޮށްފައެވެ. ކޮމިޝަނާ މިގޮތަށް ނިންމާފައިވަނީ ބީއޭއެމްގެ ހިންގާ ކޮމިޓީގެ މުއްދަތު ހަމަވެފައި އޮންނަތާ ފަސް މަހަށްވުރެ ގިނަ ދުވަސް ވެފައިވަނިކޮށެވެ. ކޮމިޝނާގެ ނިންމުމާއި ދެކޮޅަށް އެނިންމުން ބާތިލުކުރަން އެދި އެ އެސޯސިއޭޝަނުން އެ މައްސަލަ ކޯޓަށް ވެސް ހުށައެޅިއެވެ. އެހެން ނަމަވެސް ފަހުން ވަނީ މި މައްސަލަ ކޯޓުން ނަގާފައެވެ.
