މީޑިއާއަށް ދެއްވި ބަޔާނެއްގައި ފަލާހު ވިދާޅުވީ އެމްޑީޕީން މި މައްސަލަ މަޖިލީހަށް ހުށަހެޅި އިރުވެސް އެ މައްސަލަ ކާމިޔާބު ނުކުރެވޭނެކަން އެމްޑީޕީއަށް އެނގޭނެ ކަމަށެވެ. އަދި ޕީއެންސީ އާއި އެމްޑީއޭގެ އެއްވެސް މެންބަރެއްގެ ތާއީދު މި މައްސަލައަށް ނުލިބޭނެ ކަމަށްވެސް އޭނާ ވިދާޅުވިއެވެ.
ޕީއެންސީގެ މެންބަރުން ވިޕްލައިނާ ހިލާފަށް ވޯޓު ނުދޭނެ ކަމަށް ފަލާހު ވިދާޅުވިއެވެ. އަދި ޕީއެންސީން 75000 މެންބަރުން ހަމަކުރީ ބުރަ މަސައްކަތުން ކަމަށާއި، އެމްޑީޕީން މިކަން ހަޖަމް ނުވެގެން ހަގީގަތާ ހިލާފު ވާހަކަތައް ދައްކަމުންދާ ކަމަށް އޭނާ ވިދާޅުވިއެވެ.
އެމްޑީޕީން އިހުސާންގެ އިތުބާރު ނެތްކަމުގެ މައްސަލަ މަޖިލީހަށް ހުށަހަޅާފައިވަނީ ޑީއެންއާރުގެ ޑޭޓާބޭސްގައި ހުރި ރައްޔިތުންގެ މައުލޫމާތު ބޭނުންކޮށްގެން ޕީއެންސީއަށް މެންބަރުން އިތުރުކުރުމަށް މަސައްކަތް ކުރެއްވި ކަމަށް ތުހުމަތުކޮށެވެ. މި މައްސަލަ ހުށަހަޅާފައިވަނީ އެމްޑީޕީގެ ޕާލިމެންޓަރީ ގްރޫޕްގެ 12 މެންބަރުންގެ ސޮޔާއެކުގައެވެ.
- އިހުސާންގެ އިތުބާރު ނެތްކަމުގެ ވޯޓު ފެއިލްވާނެކަމަށް ޕީއެންސީން ބުނޭ
- ޕީއެންސީ އާއި އެމްޑީއޭގެ އެއްވެސް މެންބަރެއްގެ ތާއީދު ނުލިބޭނެ
- ޕީއެންސީގެ މެންބަރުން ވިޕްލައިނާ ހިލާފަށް ވޯޓު ނުދޭނެ
- އެމްޑީޕީގެ 12 މެންބަރުން މައްސަލަ ހުށަހަޅާފައިވޭ
- މައްސަލަ ހުށަހެޅީ ޑީއެންއާރު ޑޭޓާބޭސް ބޭނުންކުރި ކަމުގެ ތުހުމަތުގައި
