Advertisement

މިއަދު މާލޭ ސަރަހައްދުގެ ވައިގެ ކޮލިޓީ ހުރީ 50 ގައެވެ. ނަމަވެސް އިއްޔެ ވިލިމާލޭގައި ހުރި އެއާ ކޮލިޓީ މޮނިޓަރިން ސިސްޓަމުން ދެއްކި ގޮތުގައި ވައިގެ ކޮލިޓީ ހުރީ 156 ގައެވެ.

މެޓު އޮފީހުން ބުނީ ވައި ނުސާފުވަނީ ވައި ޖެހޭ މިސްރާބުގެ ސަބަބުން ކަމަށެވެ. އަދި ކުރިޔަށް އޮތް 24 ގަޑިއިރު ގަދަޔަށް ވައި ޖެހޭނަމަ އަލުން ވައި ނުސާފުވެދާނެ ކަމަށް ލަފާކުރެވޭ ކަމަށްވެސް އެ އޮފީހުން ބުނެފިއެވެ.

ވައި ނުސާފުވުމާ ގުޅިގެން ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ވަނީ ރައްޔިތުންނަށް އިރުޝާދު ދީފައެވެ. އެގޮތުން ބޭރަށް ނުކުންނައިރު މާސްކު އެޅުމަށާއި، ގޭތެރެއަށް ނުސާފު ވައި ވަނުން މަދުކުރުމަށް އެޗްޕީއޭ އިން ވަނީ އިލްތިމާސްކޮށްފައެވެ.

• މިއަދު މާލޭގެ ވައި ސާފު
• އިއްޔެ ވައިގެ ކޮލިޓީ ހުރީ 156 ގައި
• މިއަދު ވައިގެ ކޮލިޓީ ވަނީ 50 އަށް ދަށްވެފައި
• ވައި ނުސާފުވަނީ ވައި ޖެހޭ މިސްރާބުގެ ސަބަބުން
• ވައި ނުސާފުވުމާ ގުޅިގެން މާސްކު އެޅުމަށް އެޗްޕީއޭ އިން އިލްތިމާސްކޮށްފައިވޭ