މަފުށީ ޖަލަށް ޑްރަގާއި ފޯނާއި ވެއްދި ކަރެކްޝަނަލް ސާވިސްގެ 13 އޮފިސަރެއްގެ މައްޗަށް ދައުވާކުރަން ފުލުހުން ވަނީ ޕީޖީގައި އެދިފައެވެ. މީގެތެރެއިން ފަސް އޮފިސަރަކަށް ދައުވާކުރަން އެ މައްސަލަ ކްރިމިނަލް ކޯޓަށް ހުށަހަޅާފައިވާ ކަމަށް ކުރިންވަނީ ބުނެފައެވެ. އޭގެ ތެރެއިން، ރަސްމީ ހައިސިއްޔަތު ނަހަމަ ގޮތުގައި ބޭނުންކުރުމުގެ ކުށުގެ ދައުވާ އާއި ނުހައްޤު މުއްސަނދިކަން ހޯދައި ލިބިގަތުމުގެ ކުށުގެ ދައުވާ އުފުލާފައިވާ މީހަކާ ގުޅުން ހުރި އެހެން މީހަކު ހައްޔަރުކޮށްފައިވަނީ މަކަރާއި ހީލަތުގެ މައްސަލައެއްގައެވެ. މާލޭން އުތުރުގެ ރަށަކަށް ނިސްބަތްވާ މި މީހާއަކީ 19 އަހަރުގެ ދިވެހި ފިރިހެނެކެވެ.
19 އަހަރުގެ މި މީހާ ހައްޔަރުކޮށް ހަތް ދުވަހަށް ކޯޓުންވަނީ މުއްދަތު ޖަހާފައެވެ. އެނގިފައިވާ ގޮތުގައި އެ މީހާގެ އިންޓެލިޖެންސް ރިޕޯޓަކާ ބޭންކް އޮފް މޯލްޑިވްސްގެ އެފް އައި އާރު ފޮޓޯ ރިޕޯޓެއް ކޯޓަށްވަނީ ހުށަހަޅާފައެވެ.
ޖަލަށް ފޯނާއި މަސްތުވާތަކެތި ވެއްދި ކަމަށް ތުހުމަތު ކުރެވޭ އޮފިސަރުންގެ އެކައުންޓަށް 73.3 މިލިއަން ރުފިޔާ ޖަމާކޮށްފައިވާ ކަމަށާއި އެއް އޮފިސަރެއްގެ އެކައުންޓަށް އަހަރެއް ތެރޭގައި 24 މިލިއަން ރުފިޔާ ޖަމާކޮށްފައިވާއިރު، އެ ފައިސާ ޖަމާކޮށްފައި ވަނީ ކުދި އަދަދުތަކުންކަމަށް ހޯމް މިނިސްޓަރު އަލީ އިހްސާން ވަނީ ވިދާޅުވެފަ އެވެ.
