ރޭ އަލިފާނުގެ ހާދިސާ ހިންގިތަން ރޫޅާލުމުގެ މަސައްކަތް ސިފައިން ކުރަނީ
އަލިފާނުގެ ހާދިސާގައި 22 މީހަކު ވަގުތީ ހިޔާތަކަށް، 8 ބިދޭސީން ހިމެނޭ
މުހައްމަދު އާދަމް އަހްމަދު
23 ޖެނުއަރީ 2025 - 10:26:11
މަޖީދީމަގުގައި ހުރި ފްރުޓް ޓްރީ ފިހާރައިގެ ގުދަނުގައި ރޭ ފަތިހު ހިނގި އަލުފާނުގެ ހާދިސާއާ ގުޅިގެން 22 މީހަކު ވަގުތީ ބޯހިޔާވަހިތަކަށް ބަދަލުކޮށްފައިވާކަމަށް ނޭޝަނަލް ޑިޒާސްޓާ މެނޭޖެމަންޓް އޮތޯރިޓީން ބުނެފިއެވެ.
Advertisement
އެމްއެންޑީއެފުން ބުނީ މި އަލިފާނުގެ ހާދިސާގެ ރިޕޯޓް ލިބުނީ ރޭފަތިހު 04:20 ހާއިރުކަމަށެވެ. ފަޔަރފައިޓަރުން ކުރި މަސައްކަތުން ރޯވެފައިހުރި އަލިފާން ކޮންޓްރޯލްކުރެވުނީ ފަތިހު 05:27 ހާއިރުކަމަށާއި އަދި އަލިފާންގަނޑު އެއްކޮށް ނިއްވާލާފައިވަނީ 06:00 ހާއިރުކަމަށް އެމްއެންޑީއެފުން ވަނީ ބުނެފައެވެ.
މި ހާދިސާގައި އެއްވެސް މީހަކަށް އަނިޔާއެއް ލިބިފައެއް ނުވާއެވެ، އެހެންނަމަވެސް އަލިފާން ރޯވި ގުދަން ވަނީ އަނދާ ހުލިވެފައެވެ.
ނޭޝަނަލް ޑިޒާސްޓާ މެނޭޖެމަންޓް އޮތޯރިޓީން ބުނީ އަލިފާނުގެ ހާދިސާގައި ދުމުގެ ސަބަބުންނާއި އިމާރާތައް ލިބުނު ގެއްލުންތަކުގެ ސަބަބުން ވަގުތީ ބޯހިޔާވަހިކަން ބޭނުންވާ 10 ގޭބީސީއެއްގެ 33 ފަރާތެއް ފާހަގަކުރެވުނު ކަމަށެވެ. އޭގެތެރޭގައި ހިމެނެނީ 14 ދިވެހިން 19 ބިދޭސީންކަމަށްް އެންޑީއެމްއޭއިން ބުނެއެވެ.
މީގެ ތެރެއިން 5 ގޭބިސީއެއްގެ 14 ދިވެހިން އަދި 8 ބިދޭސީންނަށް ވަގުތީ ބޯހިޔާވަހިކަމާއި ކެއިންބުއިން ހަމަޖައްސާފއިވާކަމަށް އެންޑީއެމްއޭއިން ބުނެއެވެ. އަދި ބިދޭސީ 1 އާއިލާ ވަނީ އަމިއްލަ ވަގުތީ ބޯހިޔާވަހިކަމަށް ބަދަލުވެފައިކަމަށާއި 11 ބިދޭސީއަކަށް އެ މީހުން ނިސްބަތްވާ ކުންފުނި ތަކުން އެހީތެރިކަން ފޯރުކޮށްދީފައިވާކަމަށް އެންޑީއެމްއޭއިން ބުނެއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
