އެންޑީއެމްއޭ އިން މައުލޫމާތު ދިން ގޮތުގައި މި ހާދިސާގައި ގެއްލުން ލިބުނު މީހުންގެ ތެރޭގައި ހިމެނެނީ ފަސް ގޭބިސީއެއްގެ 14 ދިވެހިންނާއި އަށް ބިދޭސީންނެވެ. މި ފަރާތްތަކަށް ކެއިންބުއިމުގެ އިންތިޒާމުތައް ވެސް ހަމަޖައްސައިދެމުން ދަނީ އެންޑީއެމްއޭ އިންނެވެ.
ފަތިހު 4:20 ހާއިރު ހިނގި މި ހާދިސާގައި ޓިނާއި ދަގަނޑުން ހަދާފައި ހުރި ގުދަން ވަނީ މުޅިން އަނދައި ހުލިވެފައެވެ. އަލިފާން ނިއްވުމުގެ މަސައްކަތް ނިމުނީ ހެނދުނު 6:00 ހާއިރުއެވެ. މި ހާދިސާގައި އެއްވެސް މީހަކަށް އަނިޔާއެއް ވެފައި ނުވާކަން އެމްއެންޑީއެފް އިން ވަނީ ކަށަވަރުކޮށްދީފައެވެ.
އެންޑީއެމްއޭ އިން އިތުރަށް ބުނީ، މި ހާދިސާގައި ޖުމުލަ 10 ގޭބިސީއެއްގެ 33 މީހުންނަށް ގެއްލުން ލިބުނު ކަމަށެވެ. މީގެ ތެރެއިން ބިދޭސީ އެއް އާއިލާ ވަނީ އަމިއްލައަށް ވަގުތީ ހިޔާވަހިކަމެއް ހޯދާފައެވެ. އަދި 11 ބިދޭސީންނަށް އެ މީހުން ނިސްބަތްވާ ކުންފުނިތަކުން އެހީތެރިކަން ފޯރުކޮށްދީފައިވާ ކަމަށް އެ އިދާރާއިން މައުލޫމާތު ދިނެވެ.
