ads
ހަސަން ނަޒީޙް
ކިލޯއެއްގެ ޑްރަގާއެކު ހައްޔަރުކުރި މީހާގެ ބަންދަށް އިތުރު 30 ދުވަސް
ކިލޯއަކަށް ވުރެ ގިނަ މަސްތުވާތަކެއްޗާއި އެކު މާލެއިން ހައްޔަރު ކުރި މީހާގެ ބަންދަށް އިތުރު 30 ދުވަސް ޖަހައިފިއެވެ.
Advertisement

މިދިޔަ ޖަނަވަރީ މަހު ފަހުކޮޅު ފުލުހުން ހިންގި އޮޕަރޭޝަނެއްގައި ކިލޯއެއްގެ މަސްތުވާތަކެއްޗާއެކު ހައްޔަރުކޮށްފައިވަނީ، ގ. ޖޫތީގެ، ހަސަން ނަޒީޙް (32އ) އެވެ. އޭރުން ފެށިގެން އޭނާ ބަންދުގައި ހުންނައިރު، މިއަދު އޭނާގެ ބަންދަށް އިތުރު 30 ދުވަސް ޖެހިއެވެ.

ނަޒީހުއަކީ މަސްތުވާތަކެތި ބޭނުންކޮށް ގެންގުޅެ އެ ތަކެތީގެ ވިޔަފާރިކުރާކަމަށް ކައުންޓަރ ނާކޮޓިކްސް އިންޓެލިޖެންސަށް ލިބުނު މައުލޫމާތަކާ ގުޅިގެން މާލޭގައި ހިންގި މަސްތުވާތަކެތީގެ އޮޕަރޭޝަނެއްގައި ހައްޔަރުކޮށްފައިވާ މީހެއް ކަމަށް ފުލުހުން ވަނީ ކުރިން ބުނެފައެވެ. އޭނާގެ މައްޗަށް މީގެ ކުރިން މަސްތުވާތަކެތީގެ މައްސަލައިގައި ދައުވާ ކުރިނަމަވެސް ކުށް ސާބިތުނުވެ ވަނީ ސަލާމަތްވެފައެވެ.

ފުލުހުން އިތުރަށް ބުނެފައި ވަނީ އެ އޮޕަރޭޝަނުގެ ތެރެއިން ނަޒީހު ހައްޔަރުކުރުމުގެ އިތުރުން، އޭނާއާ ގުޅުންހުރިކަމަށް ބެލެވޭ ދެ ގެއެއް ބަލައިފާސްކޮށްފައިވާ ކަމަށެވެ. އެގޮތުން ބެލި ބެލުމުން ގިނަ އަދަދެއްގެ ފައިސާއާއި މަސްތުވާތަކެތި ކަމަށް ބެލެވޭ ތަކެތި ފެނިފައިވަ ކަމަށާއި މި ތަކެތީގެ ވަގުތީ ބަރުދަން އެއް ކިލޯއަށްވުރެ ގިނަ ކަމަށް ފުލުހުން ވަނީ ޖަނަވަރީ މަހު ހާމަކޮށްފައެވެ.

މިދިޔަ ޖަނަވަރީ މަހުގެ 30 ވަނަ ދުވަހު ހިންގި އޮޕަރޭޝަނަކީ ކައުންޓަރ ނާކޮޓިކްސް އިންޓެލިޖެންސާއި ޑްރަގް އެންފޯސްމަންޓް ގުޅިގެން ހިންގި އޮޕަރޭޝަނެއް ކަމަށް ވެސް ފުލުހުން ވަނީ ބުނެފައެވެ.

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް