ތިނަދޫ ސިޓީ ކައުންސިލުން މިއަދު ސޯޝަލް މީޑިއާގައި ޕޯސްޓެއް ކޮށް، އޭސީސީގެ ނަމުގައި އައި ބަޔަކު ކައުންސިލް އިދާރާގެ ގިނަ އަދަދެއްގެ ތަކެތި ވަގަށް ނަގައި، އެ މައްސަލަ ފުލުހުންނަށް ހުށަހަޅާފައިވާ ކަމަށް ބުނެފައިވެއެވެ. އަދި މި ހާދިސާއާ ގުޅިގެން ކައުންސިލްގެ ބައެއް ހިދުމަތްތައް މެދުކެނޑިފައިވާ ކަމަށްވެސް ބުނެފައިވެއެވެ.
އޭސީސީން ނެރުނު ބަޔާނެއްގައި ބުނީ، ތިނަދޫ ކައުންސިލާ ގުޅޭގޮތުން ކުރަމުންދާ ތަހުގީގަކާ ގުޅިގެން އިއްޔެ އެ ކޮމިޝަނުގެ ޓީމެއް ތިނަދޫ ސިޓީ ކައުންސިލްގައި މަސައްކަތްކޮށްފައިވާ ކަމަށެވެ. އަދި ގާނޫނު އަސާސީއާއި އޭސީސީގެ ގާނޫނުގެ ދަށުން، ހުރިހާ އިޖުރާއަތްތަކެއް ފުރިހަމަކުރުމަށްފަހު ކަމަށް ބުނެފައިވެއެވެ.
އޭސީސީން އިތުރަށް ބުނީ، ތަހުގީގަށް ބޭނުންވާ ލިޔެކިޔުންތައް ހޯދުމުގައި ކައުންސިލްގެ ފުރިހަމަ އެއްބާރުލުން ލިބިފައި ނުވާކަން ހިތާމައާއެކު ފާހަގަކުރާ ކަމަށެވެ. އަދި އޭސީސީއާ ގުޅޭގޮތުން ފަތުރަމުންދާ ހަގީގަތާ ހިލާފު މައުލޫމާތުތަކާ މެދު އިންތިހާއަށް ކަންބޮޑުވާ ކަމަށްވެސް ބުނެފައިވެއެވެ.
- ތިނަދޫ ކައުންސިލުން ބުނީ އޭސީސީގެ ނަމުގައި އައި ބަޔަކު ލިޔެކިޔުންތައް ވަގަށް ނެގި ކަމަށް
- އޭސީސީން ބުނީ ހުރިހާ ގާނޫނީ އިޖުރާއަތްތަކެއް ފުރިހަމަކޮށްގެން ލިޔެކިޔުންތައް ހޯދި ކަމަށް
- ކައުންސިލުން ފުރިހަމަ އެއްބާރުލުން ނުދިން ކަމަށް އޭސީސީން ބުނެފި
- ކައުންސިލުން ފަތުރާ މައުލޫމާތާ މެދު އޭސީސީން ކަންބޮޑުވުން ފާޅުކޮށްފި
