Midea ge minivan kamaa dhekolheh noon: Nazim

ހަބަރު / ރައްޔިތުންގެ މަޖިލިސް

ރައްޔިތުން މަޖިލީހުގެ ނައިބު ރައީސް ، ދިއްގަރު ދާއިރާގެ މެމްބަރު އަހްމަދު ނާޒިމް

މީޑިއާގެ މިނިވަންކަމާ ދެކޮޅެއް ނޫން: ނާޒިމް

ގުފްތަގް އަޖީރު

27 ޖެނުއަރީ 2025 - 13:17:32

އެއްވެސް އިރެއްގައި މީޑިއާގެ މިނިވަންކަމާ ދެކޮޅު ނޫން ކަމަށް، ރައްޔިތުންގެ މަޖިލީހުގެ ނައިބު ރައީސް އަހުމަދު ނާޒިމް ވިދާޅުވެއްޖެއެވެ.

ޓީވީ ޗެނަލަކާ ވާހަކަ ދައކަވަމުން މި ވާހަކަ ވިދާޅުވީ ސޯޝަލް މީޑިއާ ރެގިއުލޭޓްކުރުމަށް އޭނާ ހުށަހަޅުއްވާ ބިލާ ގުޅިގެން އުފެދިފައިވާ ސުވާލުތަކަށް ޖަވާބު ދެއްވަމުންނެވެ.

ދިއްގަރު ދާއިރާގެ މެންބަރު ވެސް ކަމަށްވާ ނާޒިމް ވިދާޅުވީ އޭނާ ހުށަހަޅުއްވާ ބިލުގެ މައިގަނޑު މަގުސަދަކީ މީޑިއާގެ މިނިވަންކަން ހަނިކުރުމެއް ނޫން ކަމަށެވެ. އޭގެ ބަދަލުގައި މަގުސަދަކީ ދޯހަޅި މުއައްސަސާތައް ރިފޯމްކުރުން ކަމަށެވެ.

މިގޮތުން އޭނާ ފާހަގަކެއްވި ގޮތުގައި "މިދިޔަ އަހަރު ދައުލަތުގެ ބަޖެޓުން 18 މިލިއަން ރުފިޔާ ހޭދަކުރި ދެ މީޑިއާ ރެގިއުލޭޓަރީ މުއައްސަސާގެ މަސައްކަތްތައް އެކަށީގެންވާ ގޮތަށް ނުހިނގާ،" ކަމަށެވެ.

ނާޒިމް އިތުރަށް ވިދާޅުވީ ސޯޝަލް މީޑިއާގައި ހިޔާލު ފާޅުކުރާއިރު އަނެކާގެ އަބުރާއި އިއްޒަތަށް ރައްކާތެރިވާންޖެހޭނެ ކަމަށެވެ. އަދި މިކަން ރެގިއުލޭޓްކުރެވޭނެ ނިޒާމެއް އޮތުމަކީ މުހިންމު ކަމެއް ކަމަށް އޭނާ ބުންޏެވެ. މިފަދަ ކަންކަމުގައި އިންސާފު ހޯދުމަށް ގާނޫނީ ނިޒާމެއް އޮތުމަކީ މުހިންމު ކަމެއް ކަމަށް ވެސް އޭނާ ފާހަގަކުރިއެވެ.