ފުލުހުން ބުނީ ނައްތާލި ބަނގުރާތަކީ އެ އިދާރާއަށް ހުށަހަޅާފައިވާ ބަނގުރާގެ މައްސަލަތަކުގެ ތެރެއިން، ފައިލުކުރުމަށް ނިންމާފައިވާ މައްސަލަތަކުގައި ހިމެނޭ ބަނގުރާއާއި، ޑްރަގް އެންފޯސްމަންޓާއި، ޓޫރިސްޓު ޕޮލިސް އަދި ހުޅުމާލެ ޕޮލިސް ސްޓޭޝަނުގެ ބެލުމުގެ ދަށަށް، ތުހުމަތުކުރެވޭ ފަރާތެއް ނެތްގޮތަށް ގެނެވިފައިވާ ބަނގުރާތައްކަމަށެވެ. އަދި މީގެއިތުރުން ކޭސްކޮށްފައިވާ މައްސަލަތަކުގެ ތަހުލީލު މަރުހަލާ ނިމިފައިވާ މައްސަލަތަކުގައި ހިމެނޭ ބަނގުރާތައްވެސް ނައްތާލާފައިވާކަމަށް ފުލުހުން ބުނެއެވެ.
ފުލުހުން ބުނީ ނައްތާލާފައިވަނީ 2185 ބްރޭންޑެޑް ބަނގުރާ ފުޅިއާއި 213 ޕެޓް ފުޅީގެ އިތުރުން 2001 ދަޅު ބިޔަރުކަމަށެވެ. އަދި އެހެނިހެން ތަކެތީގެ ގޮތުގައި 81 އައިޓަމް ނައްތާލާފައިވާއިރު އޭގެތެރޭގައި ކޮތަޅު، ނޫސްކަރުދާސް، ކަރުދާސް ފޮށިގަނޑު އަދި ދަބަސް ފަދަ ތަކެތި ހިމެނޭކަމަށް ފުލުހުން ބުނެއެވެ.
ފުލުހުން ނައްތާލި ބަނގުރާތައް
ބަނގުރާ ނައްތާލާފައިވަނީ ފުލުހުންގެ ބެލުމުގެ ދަށަށް ގެނެވޭ ބަނގުރާއާއި ބަނގުރާގެ މައްސަލަތަކާ ގުޅިގެން ހިފެހެއްޓޭ ތަކެތި ނައްތާލުމުގައި އަަމަލުކުރާނެ ގޮތުގެ ގަވާއިދުގެ ދަށުން އެކަމަށްޓަކައި އެކުލަވައިލާފައިވާ ކޮމިޓީގެ ބެލުމުގެ ދަށުންކަމަށް އެ އިދާރާއިން ބުނެއެވެ.
