މި ހިނގާލުމުގައި އެ ޕާޓީގެ ލީޑަޝިޕާއި ގިނަ އަދަދެއްގެ އާންމުން ބައިވެރިވި އެވެ.
މާލޭގެ މައި މަގުތަކުގައި ކުރިއަށްދާ މި ހިނގާލުމަކީ ގާނޫނު އަސާސީގެ ދިފާއުގައި ބާއްވާ ހިނގާލުމެއްކަމަށް އެމްޑީޕީން ބުނެއެވެ. ހިނގާލުމުގައި ބައިވެރިވާ ފަރާތްތަކުން ވަނީ ރައީސް މުހައްމަދު މުއިއްޒު އިސްތިއުފާ ދިނުމަށް ގޮވާލާފަ އެވެ.
މިދިޔަ އަހަރު ރައްޔިތުންގެ މަޖިލީހުން ގާނޫނު އަސާސީއަށް ގެނައި އިސްލާހުތަކުގެ ތެރޭގައި، ޕާޓީ ބަދަލުކުރުމުން މެންބަރުންގެ ގޮނޑި ގެއްލޭ ގޮތަށް ހެދުމާއި، މަޖިލީހުގެ ރުހުން ނެތި ބޭރު ސިފައިން ރާއްޖޭގައި ނުބޭތިއްބޭ ގޮތަށް ހެދުން ހިމެނެ އެވެ. އަދި ރާއްޖޭގެ ސަރަހައްދަށް ބަދަލު ގެނެވޭނީ މަޖިލީހުގެ ތިންބައިކުޅަ ދެބައިގެ އަގުލަބިއްޔަތުން ކަމަށް ވެސް ވަނީ ހަމަޖައްސާފަ އެވެ.
މީގެ ކުރިން ވެސް އެމްޑީޕީން ވަނީ "ގާނޫނު އަސާސީގެ ދިފާއު" ގެ ނަމުގައި މާލޭގައި ބޮޑު ޖަލްސާއެއް ބާއްވާފަ އެވެ.
