އަންނަ މެއި މަހު ފެށުމައް ހަމަ ޖެހިފައިވާ މި އަހަރުގެ އެޕްރެޓިސްޝިޕް ޕްރޮގްރާމްވެސް ހުޅުވާލާފައިވަނީ އުމުރުން 17 އަހަރާއި 20 އަހަރާޢި ދެމެދުގެ ޒުވާނުންނަށެވެ.
ފޯ ސީޒަންސްގެ އެޕްރެޓިސްޝިޕް ޕްރޮގުރާމުގެ މައިގަނޑު މަގުސަދަކީ ޓޫރިޒަމް ދާއިރާއަށް ގިނަ ތައުލީމާއި ތަޖުރިބވާ ހުރި ދިވެހި ޒުވާނުން ނެރުމެވެ. ފޯސީޒަންސްގެ މި ޕްރޮގުރާމު ނިންމާ ފަރާތްތަކަށް ރިސޯޓުތަކުން ވަޒީފާ ހަމަޖެހިގެންދާނެ ކަމަށް ވެސް އެ ރިސޯޓުން ވަނީ ބުނެފަ އެވެ.
ފޯ ސީޒަންސްގެ އެޕްރެޓިސްޝިޕް ޕްރޮގުރާމުގައި ފަތުރުވެރިކަމުގެ ސިނާއަތުގެ މައިގަނޑު ހުރިހާ ދާއިރާއަކުން މީހުން ތަމްރީނމް ކުރެއެވެ. އޭގެ ތެރޭގައި ފުޑް އެންޑް ބެވެރޭޖް ޕްރެޕެރޭޝަން، ފުޑް އެންޑް ބެވެރޭޖް ސާވިސް، ޕަޑީ ޑައިވް މާސްޓާ އަދި ވޯޓާ ސްޕޯޓްސްގެ އިތުރުން މެރިން ބަޔޮލޮޖީ، ރީޓެއިލް، ހައުސް ކީޕިން އެންޑް ގެސްޓް ސާވިސަސް، ސޭފް މެރިޓައިމް ޓްރާންސްޕޯޓް، ފްރޮންޓް އޮފީސް އެންޑް ރިކްރިއޭޝަންސް އަދި އިންޖިނިއަރިންވެސް ހިމެނެއެވެ.
ފޯސީޒަންސް މޯލްޑިވްސްގެ ރީޖަނަލް ވައިސް ޕްރެޒިޑެންޓް އަދި ފޯސީޒަން ލަނޑާގިރާވަރުގެ ޖެނެރަލް މެނޭޖަރ އަރމާންޑޯ ކްރެންޒްލިން އިސްވެ ހުންނަވައި 2000ގެ ކުރީކޮޅު ފެށި މި ޕްރޮގްރާމަކީ ރާއްޖޭގައި ހިންގާ އެންމެ ދުވަސްވީ އެޕެރެންޓިސްޝިޕް ޕްރޮގްރާމެވެ.މި ޕްރޮގްރާމްގެ ދަށުން މިހާތަނަށް 850 އަށްވުރެ ގިނަ ޒުވާނުންވަނީ ފަތުރުވެރިކަމުގެ ސިނާއަތަށް ނެރެފައެވެ.
