ފިނޭންސް މިނިސްޓަރު ޒަމީރު
ކެޕިޓަލް ހަރަދުން 188 މިލިއަން ރުފިޔާ މަދުކޮށްފި
ގުފްތަގް އަޖީރު
04 ފެބްރުއަރީ 2025 - 20:24:08
އަހަރުގެ ފުރަތަމަ މަހު ސަރުކާރުގެ ކެޕިޓަލް ހަރަދު ވަނީ މިދިޔަ އަހަރާ އަޅާބަލާއިރު 188 މިލިއަން ރުފިޔާއަށް މަދުން ހަރަދުކޮށްފައިވާކަމަށް ފިނޭންސް މިނިސްޓްރީން އާންމުކުރި އެންމެ ފަހުގެ ތަފާސްހިސާބުތަކުން ދައްކައިފިއެވެ.
Advertisement
ޖެނުއަރީ މަހުގެ 23 ވަނަ ދުވަހާ ހަމައަށް، މިއަހަރު ކެޕިޓަލް ހަރަދު ނުވަތަ ދައުލަތުގެ ހަރަދުގެ ގޮތުގައި ހޭދަކޮށްފައިވަނީ އެންމެ 3.4 މިލިއަން ރުފިޔާއެވެ. މިއީ މިދިޔަ އަހަރުގެ މި މުއްދަތުގައި ކެޕިޓަލް ހަރަދުގެ ގޮތުގައި ހޭދަކުރި 191.9 މިލިއަން ރުފިޔާއާ އަޅާބަލާއިރު ވަރަށް ބޮޑު ދަށްވުމެކެވެ.
ހަމަ މިއާއެކު، ސަރުކާރުގެ ރިކަރަންޓް ހަރަދުވެސް ވަނީ ދަށްވެފައެވެ. މިގޮތުން މިއަހަރުގެ މިހާތަނަށް ރިކަރަންޓް ހަރަދުގެ ގޮތުގައި 843 މިލިއަން ރުފިޔާ ހަރަދުކުރެވިފައިވާއިރު، މިދިޔަ އަހަރު މި މުއްދަތުގައި 1.1 ބިލިއަން ރުފިޔާ ހަރަދުކުރެވުނެވެ.
މިއަހަރުގެ މިހާތަނަށް ސަރުކާރަށް އާމްދަނީގެ ގޮތުގައި ލިބިފައިވަނީ 1337.9 މިލިއަން ރުފިޔާއެވެ. މީގެ ތެރެއިން ޓެކްސް އާމްދަނީގެ ގޮތުގައި 1058.4 މިލިއަން ރުފިޔާ ހިމެނެއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
