މި މައްސަލާގައި ބަންދުކޮށްފައިވަނީ އުމުރުން 23 އއަހަރުގެ ޒުވާނެކެވެ. އޭނާގެ މައްޗަށް ތުހުމަތުކުރަނީ ހުއްދަ ނޫން ހިދުމަތެއް ހޯދުމުގެ ތުހުމަތެވެ.
މިނާ ބަންދުގެ މުއްދަތު ޖަހަން ގެންދިޔަ މަޖިލީހުގައި ވާހަކަ ދައްކަމުން އެ ޒުވާނާ ބުނީ ކެފޭއިން ކައި ނިންމުމަށްފަހު ބިލަސް ފައިސާ ދައްކަން އޭނާގެ ބޭބެއަށް ގުޅިކަމަށެވެ. އެހެންނަމަވެސް ބޭބެގެ ފޯނު ނިއްވާލާފައި އޮތުންމުން އެ ފައިސާ ފޮނުވިކަމަށް އޭނާ ވަނީ ކޯޓްގައި ބުނެފައެވެ. އެހެންނަމަވެސް އޭނާ އެ ކެފޭއަށް ފައިސާ ފޮނުވާފައި ނުވާކަމަށް ފުލުހުން ބުނެއެވެ. އަދި މި ޒުވާނާއަކީ ކުށުގެ ރެކޯޑް އޮތް ޒުވާނެއްކަމަށާއި އޭނާ ތަކުރާރުކޮށް އެފަދަ ކަންކަން ކުރަމުން އަންނަކަމަށްއާއިލާގެ ފަރާތުން ހިއްސާކޮށްފައިވާކަމަށް ފުލުހުން ވަނީ ކޯޓްގައި ބުނެފައެވެ.
މީނާގެ ބަންދަށް ކޯޓުން ވަނީ 10 ދުވަސް ޖަހާދީފައެވެ. ކޯޓުގެ އަމުރުގައިވަނީ އޭނާގެ މައްޗަށް ތުހުމަތުކޮށްފައިވާ ކުށް އޭނާ ކުރިކަމަށް ތުހުމަތުކުރެވޭ ކޮންމެވެސް މިންވަރަކަށް ފުލުހުން ހެއްކާއި ގަރީނާ ހުށަހަޅާފައިވާކަމަށެވެ.
