ads
ބާޒާރުގައި ވިއްކަމުންދާ ލުނބޯ ---
ލުނބޯ ކިލޯއެއް 65 ރުފިޔާއަށް
މާލޭގެ މާރުކޭޓުތަކުގައި ލުނބޯ ކިލޯއެއްގެ އަގު 65 ރުފިޔާއަށް އަރަފިއެވެ.
Advertisement

 ކުރިއަށް އޮތް މުއްދަތުގައި އަގު ދަށްވާނެކަމަށް ނުބެލެވޭކަމަށް ވިޔަފާރިވެރިން ބުނެއެވެ.

ބައެއް ފިހާރަތަކުން 60 އަދި 55 ރުފިޔާއަށް ލުނބޯ ވިއްކަމުންދާއިރު، ގިނަ ތަންތަނުގައި އަގު ހުރީ 65 ރުފިޔާގައެވެ. ހޯލްސޭލްކޮށް މުދާ ވިއްކާ ފިހާރަތަކުގައިވެސް މިހާރު އަގުތައް ހުރީ މި މިންވަރުގައެވެ. ބޭރުން ލުނބޯ ގެނައުމުގައި ދިމާވެފައިވާ ދަތިތަކާއި، ގަންނަން ލިބޭ އަގު ބޮޑުވުމުގެ ސަބަބުން މިހާރު އަގުތައް ވަނީ މައްޗަށް ގޮސްފައެވެ.

ވިޔަފާރިވެރިން ފާހަގަކުރާ ގޮތުގައި މިދިޔަ މަހު ލުނބޯ ކިލޯއެއް ވިއްކާފައިވަނީ 100 ރުފިޔާއަށެވެ. އަދި މިހާރު އަގު ވަނީ 65 ރުފިޔާއަށް ދަށްވެފައެވެ. ނަމަވެސް މީގެ ފަހުން އަގު އިތުރަށް ދަށްވާނެކަމަށް ނުބެލެވެއެވެ.

ރޯދަ މަހަކީ ލުނބޯއަށް އެންމެ ޑިމާންޑް ބޮޑު އެއް މޫސުންކަމަށްވުމާއެކު، އެ މަހުގައި އަގުތައް އިތުރަށް މައްޗަށް ދާނެކަމަށް ވިޔަފާރިވެރިން ލަފާކުރެއެވެ. 

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް