
ހައްޖާއި އުމްރާއަށް ދިޔުމަށް ބަޔަކު ފުރަނީ
ރޯދަ މަހަށް އުމްރާވެރިންނަށް ބީއެމްއެލްއިން 1500 ޑޮލަރުގެ ލިމިޓް
ގުފްތަގް އަޖީރު
17 ފެބްރުއަރީ 2025 - 14:23:56
ކުރިއަށް އޮތް ރޯދަ މަހާއި ޝައްވާލް މަހުގެ ފުރަތަމަ ހަ ދުވަހުގެ ތެރޭގައި އުމްރާއަށް ދާ މީހުންނަށް ޑެބިޓް ކާޑުން 1500 ޑޮލަރުގެ އިތުރު ލިމިޓެއް ދޭން ފަށައިފައިވާކަމަށް، ބޭންކް އޮފް މޯލްޑިވްސް (ބީއެމްއެލް) އިން ބުނެފިއެވެ.
ބީއެމްއެލްއިން ބުނީ މި ލިމިޓް ދޫކުރަން ނިންމީ ރައީސް ޑރ. މުހައްމަދު މުއިއްޒުގެ އެންގެވުމާ އެއްގޮތަށް ކަމަށެވެ. އަދި މި ލިމިޓް ބޭނުންކުރެވޭނީ ހަމައެކަނި ސައުދީ އަރަބިއްޔާގައި ކަމަށާއި، ކޮންމެ ކަސްޓަމަރަކަށް ވެސް އެއް ޑެބިޓް ކާޑަށް ކަމަށް ބޭންކުން ބުންޏެވެ.
އުމްރާ ގްރޫޕްތަކާއެކު ދަތުރުކުރާ މީހުންނަށް މިކަން ފަހިކޮށްދިނުމަށް، އަމަލުކުރަންވީ ގޮތުގެ މައުލޫމާތު އެ ގްރޫޕްތަކާ ހިއްސާކޮށްފައިވާއިރު، ވަކިން ދަތުރުކުރާ މީހުން ފުރުމުގެ ފަސް ދުވަސް ކުރިން ބީއެމްއެލް މޮބައިލް އެޕް މެދުވެރިކޮށް ޕާސްޕޯޓާއި ޓިކެޓް ކޮޕީ ފޮނުވަން ޖެހޭނެއެވެ.
މި އިތުރު ލިމިޓްގެ އިތުރުން، މިހާރުވެސް ޑެބިޓް ކާޑުތަކަށް މަހަކު ދޫކުރާ 250 ޑޮލަރުގެ ލިމިޓާއި، 500 ޑޮލަރު ގަތުމުގެ ފުރުސަތު ހުރިހާ އުމްރާވެރިންނަށްވެސް ލިބޭނެ ކަމަށް ބޭންކުން ބުންޏެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް