
މި ހަރަކާތް ކުރިއަށް ގެންދިއުމަށް މިއަދު ސޮއިކުރެވުނު އެއްބަސްވުމުގައި ސޮސައިޓީ ފޯ ހެލްތް އެޑިއުކޭޝަން (ޝީ)، މާލެ ސިޓީ ކައުންސިލް އަދި މާލެ ސިޓީ އަންހެނުން ތަރައްގީއަށް މަސައްކަތްކުރާ ކޮމެޓީގެ މެންބަރުން ބައިވެރިވިއެވެ. އަންނަ ބުރާސްފަތި އަދި ހުކުރު ދުވަހު ބޭއްވޭ މި ހަފްލާގައި ސަގާފީ އަދި މަޖާ ހަރަކާތްތަކެއް ހިމެނޭނެއެވެ.
މި ހަރަކާތުގައި ކާއްޓޭ އާއި މަޓޭ ބައިވެރިވެ، އާއިލާތަކަށް އަމާޒުކޮށްގެން މަޖާ ހަރަކާތްތަކެއް ކުރިއަށް ގެންދާނެއެވެ. އަދި ސްޓޭޖް ޝޯތަކާއި ބޮޑުބެރުގެ ހަރަކާތްތަކުގެ އިތުރުން އިހު ޒަމާނުގެ ސަގާފީ ވާހަކަތަކުގައި އުޅޭ ކެރެކްޓަރުތައް ވެސް ދައްކާލާނެއެވެ.
މި ހަރަކާތުގައި ބަހައްޓާ ސްޓޯލްތަކުން ކުޑަކުދިންގެ ކުޅޭ ތަކެއްޗާއި އަންނައުނުގެ އިތުރުން ދިވެހި ޕޭސްޓްރީ އާއި އެހެނިހެން ކާބޯތަކެތި ވެސް ވިއްކާނެއެވެ. ހަވީރު 4 އިން 6 އަށް އަދި ރޭގަނޑު 8 އިން 11 އަށް ކުރިއަށްދާ މި ހަރަކާތުގައި ސިއްހީ މައުލޫމާތު ފޯރުކޮށްދިނުމަށް ވެސް ވަނީ ހަމަޖެހިފައެވެ.