މާލޭ މާވެޔޮމަގު ކަންމަތީ އުޅުނު ދެ ފިރިހެނަކު ސިފަ ބަދަލުކޮށްގެން ވައްކަން ކުރަން އުޅުމުގެ ތުހުމަތުގައި އިހައްރޭ ދަންވަރު ހައްޔަރުކޮށްފައިވާއިރު، ހައްޔަރުކޮށްފައިވާ ދެ މީހުންގެ ބަންދަށްވަނީ 15 ދުވަސް ޖަހާފައެވެ.
އަންހެން ހެދުން އަޅައިގެން ވައްކަން ކުރަން އުޅުނު ދެ މީހުން
މުހައްމަދު ސަބާހު 46، / ގދ. ވާދޫ ލިލީގެ
މުހައްމަދު ނައުޝާދު 42، / ސޯސަންގެ ނ. މިލަދޫ
މި ދެ މީހުންގެ ތެރެއިން މުހައްމަދު ނައުޝާދު ކޯޓުގައި ބުނެފައިވަނީ އޭނާ އަންހެން ހެދުން އަޅައިގެން އުޅުނީ، އޭނާއާއެކު ވައްކަމުގައި ބައިވެރިވީ ކަމަށް ތުހުމަތު ކުރެވޭ ސަބާހުއަށް ބަޔަކު ފާރަލައި ބިރު ދައްކާތީ އިންސާނިއްޔަތައްޓަކައި ކަމަށެވެ.
ސަބާހުވަނީ، އޭނާ އަންހެން ހެދުން އަޅައިގެން އުޅުނީ އޭނާއަށް ބަޔަކު ފާރާލާތީ ކާރަކަށް އަރައިގެން ގެއަށް ދިޔުމަށް ކަމަށެވެ. މި ދެ މީހުން މިހެން ބުނި ނަމަވެސް ރެކޯޑްތަކުން ދައްކާ ގޮތުގައި ދެ މީހުންނަކީވެސް ގިނަ އަދަދެއްގެ ކުށުގެ ރެކޯޑް އޮންނަ ދެ މީހުންނެވެ.
