ޕޮލިސް މައި އޮފީސް
ގްރޫމް ކުރި އަންހެން ޓީޗަރެއްގެ މައްސަލަ ތަހުގީގު ކުރަނީ
ގުފްތަގް އަޖީރު
20 ފެބްރުއަރީ 2025 - 22:09:36
ކުޑަކުއްޖަކު ގްރޫމް ކުރި އަންހެން ޓީޗަރެއްގެ މައްސަލަ ފުލުހުން ތަހުގީގު ކުރަން ފަށައިފިއެވެ.
Advertisement
ފުލުހުން މިއަދު ނެރުނު ނޫސް ބަޔާނެއްގައި ބުނެފައިވަނީ މި މައްސަލަ ހުށަހެޅިފައިވަނީ މިދިޔަ މަހުގެ 21 ވަނަ ދުވަހު ކަމަށެވެ. މި މައްސަލައިގައި ތުހުމަތު ކުރެވެނީ ސްކޫލެއްގެ އަންހެން ޓީޗަރަކު ގްރޭޑް އަށެއްގައި ކިޔަވަމުންދާ ފިރިހެން ދަރިވަރަކަށް ގްރޫމް ކުރި ކަމަށެވެ.
ފުލުހުން އިތުރަށް މައުލޫމާތު ދީފައިވާ ގޮތުގައި މި ހާދިސާ ހިނގާފައިވަނީ ސައުތު ޕޮލިސް ޑިވިޝަންގެ ދަށުން ބަލަހައްޓަމުންދާ ރަށެއްގައެވެ. ނަމަވެސް މިއީ ކުޑަކުއްޖަކު ހިމެނޭ މައްސަލައަކަށް ވުމާއެކު، ކުއްޖާގެ ރައްކާތެރިކަމަށްޓަކައި ހާދިސާ ހިނގި ރަށާއި އަތޮޅުގެ މައުލޫމާތު ހާމައެއް ނުކުރެވޭނެ ކަމަށް ފުލުހުން ބުނެފައިވެއެވެ.
ފުލުހުންގެ ފަރާތުން މި މައްސަލައިގެ އިތުރު ތަފްސީލެއް ހާމަކޮށްފައެއް ނުވެއެވެ. އަދި މައްސަލައިގެ ތަހުގީގު ކުރިއަށްދާ މިންވަރާ ގުޅޭ މައުލޫމާތުވެސް ހިއްސާކޮށްފައެއް ނުވެއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
