"މާހެފުން 2025" ގެ ނަމުގައި އެޕާޓީން ބާއްވާ މާހެފުމެއް ފެށޭ ގަޑިއަކީ މިރޭ 20:30 އެވެ. ޕީއެންސީން ބުނީ އާޓިފިޝަލް ބީޗްގައި އޮންނަ މި މާހެފުމަށް އެޕާޓީގެ މެމްބަރުންނާއި ދިވެހި ހުރިހާ ރައްޔިތުންނަށް ދައުވަތު ދޭކަމަށެވެ.
ޕީއެންސީން މިރޭގެ މާހެފުމުގުގައި އެޕާޓީގެ ރައީސް ޑރ. މުއިއްޒު ވަޑައިގަންނަވާނެކަމަށް ކުރިން އިއުލާން ކުރެވިފައި ވީނަމަވެސް އެމަނިކުފާނު މިރޭ ބައިވެރިވެޑައި ނުގަންނަވާނެކަަމަށެވެ. ސަބަބެއްކަމަށް އެޕާޓީން ބުނީ ރައީސް ޑރ. މުއިއްޒުގެ ރަސްމީ ޝެޑިއުލްއަށް އައި ބަދަލަކާއި ގުޅިގެންކަމަށެވެ. އެހެންނަމަވެސް ޕާޓީގެ ލީޑާޝިޕް އާއި، ވަޒީރުން އަދި މަޖިލިސް މެންބަރުން މި މާހެފުމުގައި ބައިވެރިވާނެކަމަށް ޕީއެންސީން ބުނެއެވެ.
އިލެކްޝަންސް ކޮމިޝަނުން އެންމެ ފަހު އާއްމުކުރި ހިސާބުތަކުން ދައްކާގޮތުން އެންމެ މެމްބަރުން ގިނަ ޕާޓީއަކީ ވެރިކަންކުރާ ޕީއެންސީކަމަށެވެ. އެގޮތުން މިދިޔަ ޑިސެމްބަރު މަހުގެ 31 ގެ ނިޔަލަށް ޕީއެންސީގެ މެމްބަރުންގެ އަދަދަކީ 68،968 ކަމަށް އީސީގެ ހިސާބުތަކުން ދައްކައެވެ. މިދިޔަ އަހަރު ފެށުނު އިރު އެޕާޓީގެ މެމްބަރުންގެ އަދަދަކީ 28،704 އެވެ. މިިދިޔަ އަހަރުގެ ނިމެންދެން ޕީއެންސީ އޮތީ ތިންވަނައަށް އެންމެ މެމްބަރުން ގިނަ ޕާޓުގެ ގޮތުގައެވެ.
