ހުޅުމާލޭގައި ހިނގި އަލިފަނުގެ ހާދިސާއެއް: ފައިލް ފޮޓޯ
ގުދަނެއްގައި ރޯވި އަލިފާން 30 މިނެޓުން ނިއްވާލައިފި
ގުފްތަގް އަޖީރު
22 ފެބްރުއަރީ 2025 - 09:58:48
ހުޅުމާލޭގައި ރޭ ހިނގި އަލިފާނުގެ ހާދިސާއެއް 30 މިނެޓުގެ ތެރޭގައި ކާމިޔާބުކަމާއެކު ނިއްވާލައިފިއެވެ.
Advertisement
އެމްއެންޑީއެފުން ބުނީ މި ހާދިސާ ހިނގާފައިވަނީ ހުޅުމާލެ ފޭސް 1 ގައި ހުންނަ "ފްރިޒް ގުދަން" ގެ 4 ވަނަ ފަންގިފިލާގައި ކަމަށެވެ. އަލިފާނުގެ ހާދިސާ ހިނގިކަމުގެ މައުލޫމާތު ހުޅުމާލެ ފަޔާ ސްޓޭޝަނަށް ލިބުނީ މެންދަމުން ފަހު 00:36 ގައެވެ.
ހާދިސާގެ މައުލޫމާތު ލިބުމާއެކު ހުޅުމާލެ ފަޔާ ސްޓޭޝަނުގެ ފަޔަރފައިޓަރުން ވަގުތުން އެ ސަރަހައްދަށް ގޮސް، އަލިފާން ނިއްވުމުގެ މަސައްކަތް ފެށިއެވެ. އަދި ގާތްގަނޑަކަށް 30 މިނެޓުގެ ތެރޭގައި، 01:03 ހާއިރު އަލިފާން ވަނީ މުޅިން ނިއްވާލެވިފައެވެ.
މި ހާދިސާގައި އެއްވެސް މީހަކަށް އަނިޔާއެއް ލިބިފައެއް ނުވާކަން އެމްއެންޑީއެފުން ބުނެފައިވެއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
