އޭނާ މަގާމުން ސަސްޕެންޑްކޮށްފައި މިވަނީ ފުލުހުންނަށް އެޅި ފްލެޓްތައް އެޅުމުގައި ކޮރަޕްޝަންގެ މައްސަލަތަކެއް ފެންމަތިވެފއި ވަނިކޮށެވެ.
ޕޮލްކޯގެ ސީއީއޯ އަނީސް މަގާމުން ސަސްޕެންޑްކޮށްފައިވަނީ އޭނާގެ މައްސަލަތަކެެއް ޕޮލްކޯގެ ބޯޑަށް ހުށައެޅި އެ މައްސަލަތައް ބަލަމުން އަންނާތީއެވެ. އަނީސް އާއި ދެކޮޅަށް ހުށައެޅި ބަލަމުން އަންނަ މައްސަލާގައި ޖަވާބުދާރީވުމަށް މިއަދު ހާޒިރުވުމަށް އެންގި ނަމަވެސް އޭނާ ހާޒިރުވެފައެއް ނުވެއެވެ.
އަނީސް ޕޮލްކޯގެ ސީއީއޯ ކަމަށް އައްޔަންކޮށްފައިވަނީ މިދިޔަ އަހަރުގެ މާރިޗު މަހުގެ ތެރޭގައެވެ. އޭނާ ވަނީ ފުލުހުންގެ އިދާރާގައި ހިދުމަތްކުރާތާ 20 އަހަރަށް ވުރެ ގިނަ ދުވަސް ވަނީ ވެފައެވެ.
ފުލުހުންނަށް އެޅި ފްލެޓް މަޝްރޫއުގައި ކޮރަޕްޝަނަށް މަގުފައިވާ ކަންކަން ހިނގާފައިވާކަން އޮޑިޓް ރިޕޯޓްގައި ފާހަގަކޮށްފައިވާ މައްސަލައާ ގުޅިގެން އެންޓި ކޮރަޕްޝަން ކޮމިޝަން (އޭސީސީ) އިން ޕޮލްކޯގެ އޮފީހަށް ދެފަހަރެއްގެ މަތިން ވަނީ ވަދެފައެވެ.
އޮޑިޓް އޮފީހުން ނެރުނު ރިޕޯޓްގައި ބުނެފައިވަނީ އެ މަޝްރޫއު ޕޮލްކޯއާ ހަވާލުކުރުމުން އެ މަޝްރޫއަށް ބިލިއަނަކަށް ވުރެ ގިނަ ރުފިޔާ ހަރަދުވެ އެ ކުންފުންފުނީގެ އެ ކުންފުނީގެ ކޮރަޕްޝަނާއި ނާގާބިލުކަމުގެ ސަބަބުން ދައުލަތަށް 354.7 މިލިއަން ރުފިޔާ ގެއްލުންވެފައިވާކަމަށެވެ. މަޝްރޫއު އޮޑިޓްކުރި ތާރީހުގެ ނިޔަލަށް ޖުމުލަ 1.06 ބިލިއަން ރުފިޔާ ހަރަދުކޮށްފައއިވާކަމަށް އޮޑިޓް ރިޕޯޓްގައި ވަނީ ބުނެފައެވެ
