Advertisement

ފުލުހުންގެ އާ ގާނޫނުގެ ދަށުން އެކުލަވާލެވޭ ޕޮލިސް ބޯޑަށް އާންމު ރައްޔިތުންގެ ތެރެއިން 2 މެންބަރުން ހޮވުމަށް އިއުލާން ކުރުމުން، 4 މީހުން ވަނީ ކުރިމަތިލާފައެވެ. އެގޮތުން ކުރިމަތިލީ މުހައްމަދު ސާދިގް، މުއާވިޔަތު ގާސިލް، އަހުމަދު މިޒްމާދު އަދި މިސްބާހް ހަސަނެވެ. 

ޕޮލިސް ބޯޑަކީ 7 މެންބަރުން ހިމެނޭ ބޯޑެކެވެ. މީގެ ތެރޭގައި ރައީސުލްޖުމްހޫރިއްޔާ އައްޔަންކުރާ 2 މެންބަރުންނާއި، ފަންނީ ދާއިރާއިން 3 މެންބަރުން އަދި އާންމު ރައްޔިތުންގެ ތެރެއިން 2 މެންބަރުން ހިމެނެއެވެ. 

ބޯޑުގެ މައިގަނޑު މަސްއޫލިއްޔަތުތަކުގެ ތެރޭގައި ކޮމިޝަނަރ އޮފް ޕޮލިސް އަދި ޑެޕިއުޓީ ކޮމިޝަނަރުގެ މަގާމަށް މީހުން އައްޔަންކުރުމުގައި ލަފާދިނުން ހިމެނެއެވެ. އަދި ފުލުހުންގެ އިދާރާއާ ގުޅޭ މުހިންމު ކަންކަމުގައި މިނިސްޓަރަށް ލަފާދިނުންވެސް ހިމެނެއެވެ.