މި ފަންޑަކީ އިސްލާމީ މާލީ ނިޒާމާ ގުޅޭ އެކިއެކި ކޯސްތަކާއި ތަމްރީނު ޕްރޮގްރާމްތަކަށް ސްޕޮންސަރޝިޕް ދިނުމަށް އުފައްދާފައިވާ ފަންޑެކެވެ. އަދި މެލޭޝިއާގެ އިންޓަނޭޝަނަލް ސެންޓަރ ފޯ އިސްލާމިކް ފައިނޭންސް ޔުނިވަރސިޓީ އިން ވަނީ މި މަސައްކަތުގައި އެހީތެރިވެދޭނެ ކަމަށް ބުނެފަ އެވެ.
މި އިނިޝިއޭޓިވް އިފްތިތާހު ކުރެއްވި އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވީ މެލޭޝިއާ ފަދަ ގައުމުތަކުގައި އިސްލާމީ މާލީ ނިޒާމު ކުރިއަރައިގެން ދިޔައީ އެ ތަންތަނުގެ މަރުކަޒީ ބޭންކުތަކުން އިސްނަގައިގެން ކުރި މަސައްކަތްތަކުން ކަމަށެވެ.
މި އިނިޝިއޭޓިވްގެ ދަށުން ރޯދަ މަހު ޓީވީ ޕްރޮގްރާމަކާއި ކުއިޒް މުބާރާތެއް ވެސް ބޭއްވުމަށް ވަނީ ހަމަޖެހިފަ އެވެ. ކުއިޒް މުބާރާތުގައި ބައިވެރިވާ މީހުންނަށް ބީއެމްއެލް އިސްލާމިކްގެ ފަރާތުން 1،000 ރުފިޔާގެ ގިފްޓް ކާޑާއި އުމްރާ ދަތުރު އިނާމުގެ ގޮތުގައި ދޭން ވަނީ ހަމަޖެހިފަ އެވެ.
