ބޭރު މީހާ އީދު ނަމާދު ކުރަނީ: ފޮޓޯ ރިޔާޒު
އީދު ނަމާދަށް ހާޒިރުނުވި އިމާމު 5 އަހަރަށް ސަސްޕެންޑްކޮށްފި
ގުފްތަގް އަޖީރު
30 މާރޗް 2025 - 15:20:20
ހުޅުމާލެ މަސްޖިދު އަޒީޒާ މޫސާގައި މިއަދު ޢީދު ނަމާދުކުރަން ހަމަޖައްސާފައިވާ އިމާމު ހާޒިރުނުވުމާ ގުޅިގެން، ރާއްޖޭގެ ހުރިހާ ރަށެއްގައި އިމާމުވެ ނަމާދުކުރުމާއި ހުތުބާ ކިޔުމުގެ ފުރުސަތު 5 އަހަރު ދުވަހަށް ނުދިނުމަށް އިސްލާމިކް މިނިސްޓްރީން ނިންމައިފިއެވެ.
Advertisement
އިސްލާމިކް މިނިސްޓްރީން ބުނެފައިވާގޮތުގައި، ހުޅުމާލޭ އަޒީޒާ މިސްކިތުގައި ޢީދު ނަމާދުކުރުމަށް ހަމަޖެހިފައިވާ އިމާމާއި އޭނާގެ ބަދަލުގައި ހަމަޖައްސާފައިވާ ފަރާތްވެސް މިއަދު ހާޒިރުވެފައި ނުވެއެވެ. މިކަމާ ގުޅިގެން އުސޫލުގެ ތެރެއިން މައްސަލަ ބަލައި، އިމާމުކަން ހަވާލުކޮށްފައިވާ ފަރާތް 5 އަހަރު ދުވަހަށް ސަސްޕެންޑްކުރަން ނިންމާފައިވާކަމަށް މިނިސްޓްރީން ބުނެފައިވެއެވެ.
އެ މިސްކިތުގައި އިމާމަކު ނެތުމުން މިއަދު ނަމާދު ކުރީ ބޭރު މީހެކެވެ.
މީގެ އިތުރުން، ބަދަލު އިމާމުގެ ގޮތުގައި ހަމަޖައްސާފައިވަނީ މިސްކިތުގެ އަސްލު އިމާމުކަމަށްވާތީ، މިނިސްޓްރީއަށް ނާންގައި ޖަމާއަތަށް ހާޒިރުނުވި މައްސަލަ ވަކިން ބަލައި، އުސޫލުގެ ތެރެއިން އިމާމުކަމުގެ ވަޒީފާއިން ސަސްޕެންޑްކުރުމަށް ކަމާބެހޭ ޔުނިޓަށް އަންގާފައިވާކަމަށްވެސް މިނިސްޓްރީން ބުނެފައިވެއެވެ.
88%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
13%
ވަރަށް ސަލާމް
ކޮމެންޓްސް
