މާލެ އަށް މި މަހު ކުރި ވިއްސާރައިގައި ހުޅުމާލެ ސަހަރާގެ ބިމު އަޑިން ފެންގަނޑު ނުހިނދޭތީ، އެ ތަނުގައި މީހުން ވަޅުލުން ވަގުތީ ގޮތުން މެދުކަނޑާލައި، މާލޭގެ އާ ސަރަހަރާގައި މީހުން ވަޅުލުން ދެ ފަހަރަކު މީގެ ކުރިން ވެސް ބަދަލުކުރި އެވެ.
ސިޓީ ކައުންސިލުން މިއަދު ބުނީ، މިވަގުތަށް ހުޅުމާލެ ސަހަރާގައި މީހުން ވަޅުލެވެން ނެތް ކަމަށެވެ. އެ ސަހަރާގައި ކޮނުނު ވަޅުގައި މިވަގުތު އަށް އިންޗިއާއި ނުވަ އިންޗިއާ ދެމެދުގައި ފެން އެބަ ހުރި ކަމަށް އެ ކައުންސިލުން ބުނެފައިވެ އެވެ.
އެހެންވެ، މިއަދު މަގުރިބު ނަމާދަށް ފަހު އެ ސަހަރާގައި ވަޅުލަން ހަމަޖެހިފައިވާ މައްޔިތާ ވަޅުލުން އާސަހަރާއަށް ބަދަލުކޮށްފައިވާކަމަށް މާލެ ސިޓީ ކައުންސިލުން ބުންޏެވެ.
އިއްޔެ ކުރި ވިއްސާރާގައި މާލޭގެ އެކި ސަރަހައްދުތަކުގައި ބޮޑުވި ފެންގަނޑުތައް ހިންދުމަށް ކުރި މަސައްކަތުން 16،911 ޓަނުގެ ފެން މާލޭން ބޭރުކުރި ކަމަށް އެމްއެންޑީއެފުން މިއަދު ބުންޏެވެ.
އިއްޔެގެ ވިއްސާރާގައި އާންމުންގެ ދިރިއުޅުމަށް އަސަރުކޮށްފައިވާތީ، ސަރުކާރުން ވަނީ މިއަދަކީ ރަސްމީ ބަންދު ދުވަހެއްގެ ގޮތުގައި ހަމަޖައްސައިފަ އެވެ.
