"ކޭޖީއެމް: ދަ މޫވީ" އަކީ "ކޮސް ގިނަ މިސްޓޭކް" ގެ ނަމުގައި ކުރިން އުފައްދަން ނިންމި ފިލްމެކެވެ. އެހެންނަމަވެސް އެނަން ބަދަލުކޮށް މިހާރު ފިލްމަށް ނަންދީފައިވަނީ އެ ނަމުގައި ހިމެނޭ ތިން ބަހުގެ ފެށޭ ތިން އަކުރު ބޭނުންކޮށްގެންނެވެ.
ކުރިން ފިލްމު ޑައިރެކްޓްކުރަން ނިންމާފައިވަނީ ފިލްމުގެ ސްކްރީން ޕެލޭވެސް ލިޔުނު ޔޫއްޕެ އެވެ. އެހެންނަަވެސް މިހާރު ފިލްމުގެ ޑައިރެކްޓަރަކީ ސީޒަން އެވެ.
މި ފިލްމުގެ މަސައްކަތް ފެށީ މިދިޔަ ޖެނުއަރީގަ އެވެ. މުޅި ފިލްމުގެ ބޮޑުބައި ނަގާފައިވަނީ މ. މުލީގައެވެ. މުލީގެ ޝޫޓިން ނިންމާލުމަށްފަހު ފިލްމުގެ ޓީމު މިހާރު ވަނީ މާލެ އައިސްފަ އެެވެ.
ބޮޑު ކާސްޓެއް ހިމަނައިގެން އުފައްދާ މި ފިލްމުގެ ތަރިންގެ ތެރޭގައި މަރިޔަމް އައްޒަ، އައިމިތު ރިޝްފާ، އަހުމަދު ނިމާލް، އަލީ އާޒިމް (ދޮން އައްޔަ)، އަބްދުﷲ ޝާފިއު (ފުބޫ)، މަރިޔަމް ޝިފާ ހިމެނެ އެވެ. މީގެއިތުރުން ޑާކްރެއިން އިން މަޝްހޫރުކަން ހޯދި ޖުމައްޔިލް ނިމާލުވެސް މި ފިލުމުގެ ކާސްޓްގައި ހިމެނެ އެވެ. މީ އެނާގެ މައްޗަށް ފެންމަތިވި މައްސަލައަށށްފަހު ފިލްމީ ދާއިރާއާއި ދުރުގައި ހުރުމަށްފަހު ކުޅޭ ފުރަތަމަ ފިލްމެވެ.
މިއަހަރި ދިވެހި ސިނަމާތަކަށް ގިނަ ފިލްމު ތަކެއް އަންނާނެކަމަށް މިވަނީ ބެލެވެން ފަށާފަ އެވެ. އޭގެތެރޭގައި ކުރީގެ ކާމިޔާބު ޑައިރެކްޓަރު ނަހްލާ ދުވަސްތަކަށްފަހު އުފެއްދި ފިލްމުވެސް ހިމެނެ އެވެ.
