މި އިއުލާނުގައި ހައުސިން މިނިސްޓްރީން ބުނެފައިވަނީ ގެދޮރުވެރިޔާ ސްކީމްގެ ދަށުން 4،000 ފްލެޓަށް ކުރިމަތިލުމަށްފަހު ފްލެޓް ނުލިބޭ ފަރާތްތަކަށް އަލުން ފްލެޓް މަޝްރޫއަކަށް ކުރިމަތިލާން ނުޖެހޭނެ ކަމަށެވެ. ރައީސް ޑރ. މުހައްމަދު މުއިއްޒުގެ ވައުދާ އެއްގޮތަށް ބޯހިޔާވަހިކަމާއި ގެދޮރުވެރިކަމަށް ބޭނުންޖެހިފައިވާ ކޮންމެ ދިވެއްސަކަށް މި ދައުރުގައި ބޯހިޔާވަހިކަމުގެ ފުރުސަތު ލިބިދޭނެކަމަށްވެސް މިނިސްޓްރީން ހާމަކޮށްފައިވެއެވެ.
ހައުސިން މިނިސްޓްރީގެ އިއުލާނުފައި ފުލެޓަށް ޝަރުތު ހަމަވާކަމަށް ބުނި 4،000 ފަރާތުގެ ތެރޭގައި ހިމެނޭ "ފުލެޓް ލިބޭ" ކަމަށް ޕޯޓަލުން ދެއްކި ކެޓަގަރީގެ ރައްޔިތުންނަށްވެސް ބޯހިޔާވަހިކަން ހަމަޖައްސައިދޭނެކަމަށް ވަނީ އަންގާފައެވެ.
ހައުސިން މިނިސްޓްރީން މި އިއުލާނު ކުރިއިރު، ގެދޮރުވެރިޔާ ސްކީމްގެ ދަށުން ކުރިން ޕޯޓަލުން އެއްބަޔަކަށް "ޝަރުތު ހަމަވޭ" ކަމަށް އަދި އަނެއްބަޔަކަށް "ފުލެޓް ލިބޭ" ކަމަށް ދެއްކި ނަމަވެސް، މިހާރު އޭގެ މައުލޫމާތު ވެބްސައިޓުން ނުފެއެވެ. ނަމަވެސް ހައުސިން މިނިސްޓްރީގެ މިއިއުލާނާއެކު، ބެލެވެނީ ފްލެޓް ލިބޭނެކަމަށް ކުރިން ބުނެފައިވާ މީހުން އަލުން ކުރިމަތިލާން ނުޖެހޭނެކަމަށެވެ.
