މި އިމާރާތުގެ ކުރެހުމުގެ މަސައްކަތްހަވާލުކުރީ އީޕޮކް އެސޯސިއޭޓްސްއާ އެވެ.
މާލޭގައި އަޅާ ދެވަނަ ވަގުފު އިމާރާތުގެ އަމަލީ މަސައްކަތް މި އަހަރު ފަށަން އިސްލާމިކް މިނިސްޓްރީން ވަނީ ނިންމާފައެވެ. މިނިސްޓަރު ޝަހީމް ވަނީ އެމަނިކުފާނުގެ ފާސްބުކްގައި މި އިމާރާތް ހުންނާނެ ގޮތުންގެ ކުރެހުންތައް އާއްމުކުރައްވާފައެވެ.
ރާއްޖޭގައި މިވަގުތު ހުރީ އެންމެ ވަގްފް އެންމެ އިމާރާތެކެވެ. އެއީ ޝަހީމްގެ މިނިސްޓަރުކަމުުގައި ކުރީގެ ރައީސް އަބްދުﷲ ޔާމީންގެ ވެރިކަމުގައި ބިނާކުރި "ދާރުލް އީމާން" އެވެ. ނުވަ ބުރީގެ އެ އިމާރާތް ހުޅުވީ 12 ޖެނުއަރީ 2017 ގައެވެ.
"ދާރުލް އަރުގަމް" އިމާރާތުގެ ކުރެހުން
ހުޅުމާލެ ފޭސް އެކެއްގައި 12 ބުރީގެ ވަގުފު އިމާރާތެއް އަޅައިދޭނެ ބަޔަކު ހޯދަންވެސް އިސްލާމިކް މިނިސްޓްރީން ވަނީ އިއުލާންކޮށްފައެވެ. އިސްލާމިކް މިނިސްޓްރީން ބުނެފައި ވަނީ ވަގުފު އިމާރާތް ތަރައްގީ ކުރާނީ އޮފީސް ބިލްޑިންއެއްގެ ގޮތުގަ އެވެ. އަދި އެ އެތަނަށް ކިޔާނީ "ދާރުއްސަލާމް" އެވެ.
