މި ސިއްރު ހާމަކުރީ "ބަންޓީ އައުރު ބަބްލީ 2" ފިލްމު ޕްރޮމޯޓް ކުރުމަށް ދިން އިންޓަވިއުއެއްގައެވެ. މި ހާމަކުރުން މިދިޔަ ހަފްތާގައި އަލުން ސޯޝަލް މީޑިއާގައި ވައިރަލްވެފައެވެ.
ޔަޝް ރާޖް ފިލްމްސް އިން ރިލީޒްކުރި ވީޑިއޯއެއްގައި ސައިފް ވަނީ ކިސް ސީން ކުޅުމުގެ ކުރިން ރާނީ ހާސްވެފައިވާ ގޮތް ހާމަކޮށްފައެވެ.
ސައިފް އިތުރަށް ކިޔައިދިން ގޮތުގައި އެންމެ ފަހުން ރާނީ އެ ބައިކުޅެން އެއްބަސްވިއިރު މޫނު އަނބުރާލައިގެން ހުރެ ގޮތަކަށް ކުރި މަސައްކަތުގެ ނަތީޖާއަކީ "ސިނަމާގެ ތާރީހުގައި އެންމެ ދެރަކޮށް ކުރެވުނު ކިސް" ކަމަށެވެ.
މި ދެ ތަރިން "ހަމް ތުމް" ގެ އިތުރުން "ތާރާ ރަމް ޕަމް" އަދި "ތޯޑާ ޕިޔާރު ތޯޑާ މެޖިކް" ފަދަ ފިލްމުތަކުގައި އެކުގައި މަސައްކަތް ކޮށްފައިވެއެވެ. ސައިފް ވަނީ "ހަމް ތުމް" ފިލްމަށް ނޭޝަނަލް އެވޯޑް ވެސް ހޯދާފައެވެ. ސޯޝަލް މީޑިއާގައި ގިނަ ބަޔަކު މި ވާހަކައަށް ކޮމެންޓްކޮށް، ސައިފް އަދި ރާނީގެ ތެދުވެރިކަމަށް ތަޢުރީފުކޮށްފައިވެއެވެ. "އެއީ ސައިފް އަދި ރާނީ ރިއަލްވާ ސަބަބަކީ އެމީހުން އެއްޗެހި ގްލެމަރައިޒްކޮށް ނުދައްކާތީ" ކަމަށް އެއް ޔޫޒަރ ކޮމެންޓްކޮށްފައިވެއެވެ.
މިހާރު 21 އަހަރަށްވެފައިވާ "ހަމް ތުމް" ފިލްމަކީ މިހާރުވެސް ބޮލީވުޑްގެ ލޯބީގެ ކްލާސިކް މަޝްހޫރު ފިލްމެކެވެ.
