އެ އެއާލައިނުން މި އަހަރުގެ ފިތުރު އީދާ ދިމާކޮށް 11 ރަށަކަށް އިތުރު ދަތުރުތައް ކުރުމަށް ވަނީ ހަމަޖައްސާފަ އެވެ.
ކުންފުނިން މަޢުލޫމާތު ދީފައިވާ ގޮތުގައި، މި އިތުރު ދަތުރުތައް ކުރާނީ މި މަހުގެ 29 ވަނަ ދުވަހުން ފެށިގެން އަންނަ މަހުގެ 5 ވަނަ ދުވަހާ ހަމައަށެވެ. އެގޮތުން ފުވައްމުލަކާއި، ގަން، އަދި އެކި އަތޮޅުތަކަށް ދަތުރުތައް ކުރުމަށް ވަނީ ހަމަޖެހިފަ އެވެ.
އެންމެ ގިނަ ދަތުރުތައް ކުރާނީ ގަމަށް އެވެ. އެއީ އަށް ދަތުރެވެ. އަދި މީގެ އިތުރުން ބ. އަތޮޅަށް ސީ ޕްލޭން ދަތުރުތައް ވެސް ކުރުމަށް ވަނީ ހަމަޖެހިފަ އެވެ. މީގެ އިތުރަށް ރަމަޟާން މަހުގެ ފަހު 10 ގައި ލިބޭ ބަންދުގައި ވެސް އިތުރު ދަތުރުތައް ކުރުމަށް ވަނީ ރާވާފަ އެވެ.
މި ދަތުރުތަކުގެ ސަބަބުން އީދު ބަންދުގައި ރައްޔިތުންނަށް އިތުރު އުދަގޫ ލުއިވެގެން ދާނެ އެވެ. މޯލްޑިވިއަން އެއާލައިންގެ މި މަސައްކަތަކީ ރައްޔިތުންނަށް އެހީތެރިވުމުގެ ގޮތުން ކުރާ މުހިންމު ކަމެއް ކަމުގައި ފާހަގަ ކުރެވެއެވެ.
