އެންވަޔަރަނަމަންޓް މިނިސްޓްރީން ކުރި އިއުލާނުގައި ވަނީ ރާއްޖޭގައި އާތު އަވާ ފާހަގަކުރުމުގައި އާންމުންނާއި ވިޔަފާރި ކުންފުނިތަކާއި އެކިއެކި މަދަނީ ޖަމިއްޔާތަކުން ބައިވެރިވުމަށް އެދިފަ އެވެ.
އާތު އަވާ ފާހަގަކުރާނީ މާދަމާ ރޭ 9:45 އިން 10:45 އަށެވެ. އެ ވަގުތު ކޮންމެހެން ބޭނުންކުރަންޖެހޭ ތަކެތި ފިޔަވައި އެހެން ހުރިހާ ތަކެތި ނިއްވާލަން މިނިސްޓްރީން އެދެ އެވެ.
މި ހަރަކާތަކީ ދުނިޔެ ހޫނުވުމާއި، ތިމާވެއްޓަށް އަންނަމުންދާ ބަދަލުތަކާމެދު ޢާންމުންގެ މެދުގައި ހޭލުންތެރިކަން އިތުރުކޮށް، ތިމާވެށި ރައްކާތެރިކުރުމަށް ދުނިޔޭގެ ފެންވަރުގައި ބާއްވާ ހަރަކާތެކެވެ.
މިނިސްޓްރީން ބުނި ގޮތުގައި ރާއްޖެއަކީ ވެސް މޫސުމީ ބަދަލުތަކުގެ ސަބަބުން އެންމެ ބޮޑަށް އަސަރުކުރާ ގައުމުތަކުގެ ތެރޭގައި ހިމެނޭ ގައުމެކެވެ. އެހެންވެ، ރާއްޖޭގެ ނާޒުކު ތިމާވެށި ހިމާޔަތްކުރުމަށް ދޭ އަހައްމިއްޔަތުކަން ދަމަހައްޓާ، ގައުމީ ފެންވަރުގައި ކާމިޔާބު ހަރަކާތަކަށް ހެދުމަށް އެންމެން ވެސް މަސައްކަތް ކުރުމަށް އެ މިނިސްޓްރީން ގޮވާލަ އެވެ.
