Advertisement

ކްރިމިނަލް ކޯޓުގެ ގާޒީ މުހައްމަދު މިސްބާހުގެ އަމުރަށް ޝަރީއަތް ނިމެންދެން ބަންދު ކުރި ހަތް މީހުންނަކީ އައްޑޫ ސިޓިއަށް ނިސްބަތްވާ ހަ މީހަކާއި، ފުވައްމުލަކަށް ނިސްބަތްވާ މީހެކެވެ.

• އަހްމަދު ސަހާއު އަޒީޒު 19، ކަސީރާގެ ސ. ހިތަދޫ
• މުހައްމަދު ސަހާފް ހަލީލް 21، ގިނަމާގެ ސ. މަރަދޫފޭދޫ
• ޔޫސުފް މުހައްމަދު 21،  ދުގެތިމާގެ ސ. ހިތަދޫ
• ލޫތު އިބްރާހީމް 21، ސިލްވަރުވިލާ ސ. ހިތަދޫ
• އަހްމަދު ހުނައިފު އަބްދުއްސައްތާރު 24، ފެންވިލާގެ ދޫޑިގަމް ޏ. ފުވައްމުލައް
• އަލީ ނަވާޒް އަމްޖަދު 25، މެޓްރޯވިލާ ސ. ހިތަދޫ
• މޫސާ ސާދިގު 31، ދުގެތިމާގެ ސ. ހިތަދޫ

މާރާމާރީގެ ތުހުމަތު ކުރެވޭ މި އެންމެންގެ ޝަރީއަތް ނިމެންދެން ބަންދުކޮށްފައިވާއިރު، މި މައްސަލައާ ގުޅޭ ފުލުހުންގެ އިންޓެލިޖެންސް ރިޕޯޓެއް ކޯޓަށްވަނީ ހުށަހަޅާފައެވެ.

ވާނުވާ ބަންދު އާއްމުކޮށް ކިޔައި އުޅެނީ ތަހުގީގު މަރުހަލާ އަދި ޝަރީއަތުގެ މަރުހަލާ ނިމެންދެން ކުރާ ބަންދަށެވެ. އެކި މައްސަލަތަކުގައި ތަހުގީގަށް ހައްޔަރުކޮށް ވާނުވާ ބަންދުގައި މީހުން ބޭތިއްބުން ނިމުމަކަށް ގެނައުމުގެ މަސައްކަތް ފެށުމަކީ ރައީސް ޑރ. މުހައްމަދު މުއިއްޒުގެ ރިޔާސީ ވައުދެކެވެ.