
ބައިބަލާ އެސޯސިއޭޝަން އޮފް މޯލްޑިވްސްއިން އިންތިޒާމުކޮށްގެން ބާއްވާ މި މުބާރާތް 1 އެޕްރީލު 2025 ގައި ފެށި، 6 އެޕްރީލް 2025 ގެ ނިޔަލަށް ހުޅުމާލެ ސެންޓްރަލް ޕާކު ސަރަހައްދުގައި ކުރިއަށްދާނެއެވެ.
ބައިބަލާއަކީ ދިވެހިންގެ މެދުގައި ވަރަށް މަގުބޫލު ކުޅިވަރަކަށްވެފައި، މި މުބާރާތަކީ ރާއްޖޭގެ އެކި ކަންކޮޅުތަކުން ގިނަ ބަޔަކު ޝައުގުވެރިކަމާއެކު ބަލަމުންގެންދާ މުބާރާތެކެވެ. ރާއްޖޭގެ ގިނަ ކްލަބްތަކުން ދުރާލާ ތައްޔާރުވެގެން ބައިވެރިވެ ވަރަށް ފޯރީގައި ކޮންމެ އަހަރަކު ވެސް ކުރިއަށްގެންދާ މި މުބާރާތަކީ އީދު ދުވަސްވަރު ރާއްޖޭގައި ބާއްވާ އެންމެ ކުލަގަދަ ކުޅިވަރު ހަރަކާތްތަކުގެ ތެރެއިން އެއް ހަރަކާތެވެ.
ދިރާގަކީ ރާއްޖޭގައި އެކިއެކި ކުޅިވަރުތައް ތަރައްގީކޮށް ކުރިއެރުވުމަށް ކުރާ ކަންކަމުގައި އެންމެ ކުރީ ސަފުގައި ބައިވެރިވާ ކުންފުންޏެއް،" ކަމަށް މިއަދު ދިރާގުން ބުންޏެވެ. "ދިވެހި މުޖުތަމައުއަކީ ދުޅަހެޔޮ ސިއްހަތެއްގައި ތިބުމަށް ލޯބިކުރާ ބަޔަކަށް ހެދުމަށް ދިރާގުން ދަނީ ގިނަ މަސައްކަތްތަކެއް ކުރަމުން. މި ގޮތުން އެކި ފަރާތްތަކާ ގުޅިގެން މިފަދަ އިވެންޓްތައް އާންމުންނާ ހަމައަށް ގެނެސްދިނުމަށް ދިރާގުން ދަނީ އެކި މަސައްކަތްތައް ކުރަމުން،" ކަމަށް ވެސް އެ ކުންފުނިން ބުންޏެވެ.
އީދު ބައިބަލާ ޗެލެންޖްގެ ޑިޖިޓަލް ޕާޓްނަރަކަށް ދިރާގު ހަމަޖެހުމާއެކު، މި މުބާރާތް އިތުރަށް ކުލަގަދަވެ، ގިނަ ބަޔަކަށް ފޯރުކޮށްދެވޭނެކަމަށް ބެލެވެއެވެ. ބައިބަލާ އެސޯސިއޭޝަނުން ބުނީ މި މުބާރާތަކީ ކޮންމެ އަހަރަކު ވެސް ރާއްޖޭގެ ކުޅިވަރު ލޯބިވާ ފަރާތްތަކުން ބަރަށް ބޮޑު ތަރުހީބެއް ދޭ މުބާރާތެއް ކަމަށެވެ.