
ނަހޫގެ "ސޮރީ" ޕޯސްޓަރާއި ބައެއް ލަވަތައް ނެރުން އޮންނާނީ އަންނަ އަންގާރަ ދުވަހުގެ ރެއެވެ. އެ ފިލްމުގެ ޕްރޮޑަކްޝަން ޓިމުން ބުނީ މި ހަފްލާ އޮންނާނީ އެރޭ 8:45 ގައި ސޯޝަލް ސެންޓަރުގެ ބޭރު ސްޓޭޖުގައިކަމަށެވެ. މިކަމުގައި ގިނަ ބަޔަކަށް ބައިވެރިވުމުގެ ފުރުސަތު އެޓީމުން ވަނީ ދީފައެވެ.
ނަހޫގެ އާ ފިލްމުގެ އިންތާޒާރުގައި ތިބި އޭނާގެ ފޭނުންނަށް އޭނާ ވަނީ ދާފި ފަހުން އުފާވެރި ހަބަރެއްވެސް ދީފައެވެ. އެއީ އެ ފިލްމު އަންނަ ޖޫންމަހުގެ 17 ވަނަދުވަހު ސްކްރީންތަކަށް އަންނާނެކަަމުގެ ހަބަރެވެ.
އަސަރުގަދަ ލޯބީގެ އެތައް ފިލްމެއް ގެނެސްދީފައިވާ ނަހުލާ ދުވަސްތަކަށްފަހު ޑައިރެކްޓްކުރާ އާ ފިލްމު "ސޮރީ" އަކީވެސް އަކީވެސް ޔޫއްޕެ އަދި އައްޒަގެ ޖޯޑު ފެނިގެންދާނެ ފިލްމެކެވެ. މީގެއިތުރުން ޝީލާ ނަޖީބާއި ނަހޫގެ ކުރީގެ ނާ އުއްމީދުން ފެނުނު ހުސައިން ސޮބާހްގެ އިތުރުން އާނަންދު އަދި ޝިޔާވެސް ފިލްމުގެ މުހިއްމު ރޯލަކުން ފެނިގެންދާނެއެވެ.
މި ފިލްމުގެ ފުރަތަމަ ލުކް އަދި ފަހުގެ ޕޯސްޓަރުންވެސް ފެންނަނީ ކުޑަ ދެކުދިންނެވެ. ފެންނަ މަންޒަރުތަކުން މުޅި ފިލްމު ބިނާވަނީ މި ދެކުންނަށެވެ. އޭގެ ތެރެއިން އެއް ކުއްޖަކީގެ ނަހުލާގެ ހަގު ދަރިފުޅު ލާލި އެވެ. ދެން އިނީ ނަހުލާގެ މާމަދަރި އެވެލީ އެވެ. އެވެލީ އޭއީ ނަހޫގެ ސުޕާ ހިޓް ފިލްމުތަކުގެ ތެރޭގައި ހިމެނުނު "ނާއުންމީދު" އާއި "ޒުލޭހާ" ގައި ޗައިލްޑް އާޓިސްޓެއްގެ ގޮތުގައި ފެނުނު ނާޝް ދަރިފުޅެވެ.
ނަހޫގެ ފިލްމާއި ގުޅޭ އެއްވެސް ތަފްސީލެއް އަދި ނުބުނެއެވެ.
އެހެންކަމުން ނަހޫގެ ފޭނުން ތިބީ ނަހޫ "ސޮރީ" މި ބުނަނީ ކީއްވެތޯ ނޫނީ ކާކަށްތޯ ބަލާލަން ކެތްމަދުވެފައެވެ. ސަބަބަކީ މީ ކޮންމެ ކަހަލަ " ސޮރީ" އަކަށް ފޭނުން ރޮއްވާލާނެކަން ޔަގީންވާތީއެވެ.