ޔޫއޭއީގެ ވައިސް ޕްރެޒިޑެންޓް އަދި ޕްރައިމް މިނިސްޓަރު އަދި ދުބާއީގެ ވެރިޔާ ޝައިހް މުހައްމަދު ބިން ރަޝީދު އަލް މަކްތޫމް
ގާނޫނު ހެދުމަށް ރަސްމީކޮށް އޭއައި ބޭނުންކުރާ ދުނިޔޭގެ ފުރަތަމަ ގައުމަކަށް ޔޫއޭއީ
އިމާދު އަލީ
22 އޭޕްރީލް 2025 - 00:46:14
ގާނޫނު ހެދުމަށް އާޓިފިޝަލް އިންޓެލިޖެންސް (އޭއައި) ބޭނުންކުރާ ދުނިޔޭގެ ފުރަތަމަ ގައުމުގެ ގޮތުގައި ޔުނައިޓެޑް އަރަބް އެމިރޭޓްސް (ޔޫއޭއީ) ވަނީ ތާރީހުގައި ރެކޯޑުކުރެވިއްޖެއެވެ.
Advertisement
ޔޫއޭއީގެ ވައިސް ޕްރެޒިޑެންޓް އަދި ޕްރައިމް މިނިސްޓަރު އަދި ދުބާއީގެ ވެރިޔާ ޝައިހް މުހައްމަދު ބިން ރަޝީދު އަލް މަކްތޫމް ވިދާޅުވިގޮތުގައި، މި އައު އިނިޝިއޭޓިވްގެ ސަބަބުން ގާނޫނީ ޕްރޮސެސްތައް ނިންމުމުގެ ދުވެލި 70 ޕަސަންޓަށްވުރެ އަވަސްވެގެންދާނެއެވެ.
މި ބޮޑު އަދި އައު ބަދަލުގެ ތެރެއިން "ރެގިއުލޭޓަރީ އިންޓެލިޖެންސް އޮފީސް" ވަނީ ގާއިމުކުރެވިފައެވެ. މި އޮފީހުން ގާނޫނުތައް ހެދުމުގައި އޭއައި އިންޓެގްރޭޓްކުރާނެއެވެ. މި ޓެކްނޮލޮޖީ ބޭނުންކޮށްގެން ފެޑެރަލް އަދި ލޯކަލް ގާނޫނުތައް، ކޯޓުތަކުގެ ނިންމުންތައް، އަދި ޕަބްލިކް ސަރވިސް ޑޭޓާ އެނަލައިޒްކޮށް، ގާނޫނުތަކަށް ގެންނަންޖެހޭ ބަދަލުތައް ހުށަހަޅައި، އެ ގާނޫނުތަކުގެ އިޖުތިމާއީ އަދި އިގުތިސާދީ އަސަރުތައް ވަޒަންކުރާނެއެވެ.
ޔޫއޭއީގައި 200 ޤައުމަކުން އަންނަ މީހުން ދިރިއުޅޭއިރު، މި ޓެކްނޮލޮޖީ ބޭނުންކޮށް ގިނަ ބަސްތަކުން ސަރުކާރުގެ ހިދުމަތްތައް ފޯރުކޮށްދިނުމަށް މަގުފަހިވެގެންދާނެއެވެ.
މިއީ ޔޫއޭއީން ޓެކްނޮލޮޖީގެ ރޮނގުން ކުރަމުންދާ މަސައްކަތްތަކުގެ ތެރެއިން އަނެއް މުހިންމު ފިޔަވަޅެކެވެ. ޔޫއޭއީއަކީ 2017 ވަނަ އަހަރު ދުނިޔޭގައި ފުރަތަމަ އޭއައި މިނިސްޓަރު އައްޔަނުކުރި ގައުމަށްވުމާއެކު، 2024 ވަނަ އަހަރު އަބޫދާބީގައި އޭއައި އެންޑް އެޑްވާންސްޑް ޓެކްނޮލޮޖީ ކައުންސިލެއް ގާއިމުކޮށްފައިވެއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
