ޒަކިއްޔާގެ އާއިލާގެ ފަރާތުން ނެރުނު ބަޔާނެއްގައި ބުނެފައި ވަނީ އެ މައްސަލަ ތަހުގީގު ކުރުމުގެ ބަދަލުގައި ފުލުހުން އުޅެނީ ކަންކަން ފޮރުވަން ކަމަށެވެ. އަދި ޒަކިއްޔާގެ މަރުގެ މައްސަލަ ތަހުގީގު ކުރުމުގައި ފުލުހުންގެ ފަރާތުން ބޮޑެތި އިހުމާލުތަކެއް ފެނިފައިވާ ކަމަށްވެސް އެ ބަޔާނުގައިވެއެވެ.
ޒަކިއްޔާގެ އާއިލާއިމް ނެރުނު ބަޔާނުގައި ބުނީ އެ އާއިލާއިން އެދެނީ އެ މައްސަލައިގެ ތަހުގީގުން ފުލުހުން ދުރުކޮށް ދިނުމަށްކަމަށެވެ. އަދި ފުލުހުން ތަހުގީގު ހިންގި ގޮތުގެ އިންކުއަރީއެއް ހަދާ ޒަކިއްޔާގެ މަރުގެ މައްސަލަ ތަހުގީގު ކުރަން ކޮމިޝަނެއް އުފައްދަންވެސް އާއިލާއިން ވަނީ އެދިފައެވެ.
މިދިޔަ ސެޕްޓެމްބަރު މަހުގެ 10 ވަނަ ދުވަހުގެ ހެނދުނު 10:00 ހާއިރު ޒަކިއްޔާ މަރުވެފައި އޮއްވާ ފެނުނީ ގޭގެ ބަދިގެ ފަރާތުގައި ހުންނަ ގުދަނެއްގަ އެވެ.
ޒަކިއްޔާގެ އާއިލާ އިން ތުހުމަތުކުރަނީ އޭނާ މަރާލީ ކަމަށެވެ. އެހެންވެ، ރަށުގައި އިންސާފަށް ގޮވާލައި ދޭތެރެއަކުން މުޒާހަރާ ވެސް ދަނީ ކުރަމުންނެވެެ.
