ހިއުމަން ރައިޓްސް ކޮމިޝަންގެ ނައިބު ރައީސްކަން، ވެސް ކޮށްފަވާ ތޮލް ބުނީ، މޫމިން ފުއާދު ލިޔެ ޑައިރެކްޓްކޮށްފައިވާ މި ފިލްމަކީ ބިރުވެރިކަން ފެންނަން ނެތި، ބިރުވެރިކަން އިހުސާސްކުރުވާ ފިލްމެއްކަމަށެވެ.
އަބަދަށް ފިލްމުގެ ޝޫޓިންގެ ތެރެއިން މޫމިން ފުވާދު
ތޮލް ބުނީ މޫމިން ފުއާދަކީ ކެރެކްޓަރުތައް ރަނގަޅަށް ދިރާސާކޮށް، އިންސާނީ ގުޅުންތަކުގެ ތަފާތު ފަށަލަތައް ހާމަކުރުމުގެ ހުނަރު ލިބިފައިވާ ޑައިރެކްޓަރެއް ކަމަށެވެ. އޭނާ ބުނިގޮތުގައި "އަބަދަހް" ފިލްމަކީ ދެ ގަޑިއިރަށްވުރެ ދިގު ފިލްމެއް ނަމަވެސް، ފިލްމް ނިމެން ބޭނުން ނުވާވަރަށް މަޖާ ފިލްމެކެވެ.
މި ފިލްމުގައި މައިގަނޑު ރޯލުތަކުން ފެންނަނީ އަހުމަދު ޝާރިފް، ވަޝިޔާ މުހައްމަދު، ސޫޒަން އިބްރާހިމް ފުލްހު، ޔޫސުފް ޝަފީއު އަދި އިސްމާއިލް ރަޝީދު (ކޮޕީ އިއްސެ) އެވެ.
ތޮލް ބުނީ ޝާރިފްގެ އެކްޓިން އަކީ ހިތްގައިމު އެކްޓިންގ އެއްކަމަށާއި، ސޫޒަން އިބްރާހިމް ފުލްހުގެ ޕަފޯމަންސްއަކީ ފިލްމުގެ ހައިލައިޓް ކަމަށެވެ.
މި ފިލްމްގެ ޓިކެޓު މިހާރު އަންނަނީ އޮލިމްޕަސް ސިނަމާގައި، އަދި ނޫރު މޫވީސްގެ ސޯސަލް މީޑިއާ ޕްލެޓްފޯމްތަކުން ވިއްކަމުންނެވެ.
