މި ގައުމުތަކުން ބުނެފައިވަނީ އިޒްރޭލުގެ މި ހަރަކާތަކީ ބައިނަލްއަގުވާމީ ގާނޫނާ ހިލާފު ކަމެއް ކަމަށެވެ.
މީގެ އިތުރުން، މާޗް 30 ވަނަ ދުވަހުން އިން ފެށިގެން އިޒްރޭލުން ގައްޒާއަށް އިންސާނީ އެހީ ފޯރުކޮށްދިނުން ހުއްޓުވާލާފައިވާތީ، ކާނާ، ތެޔޮ އަދި ބޭސް ފަދަ ތަކެތީގެ ދަތިކަން އިތުރުވެފައިވާ ކަމަށް ބުނެފައިވެއެވެ.
އިޒްރޭލުން މި މޭމަހުގެ 5 ވަނަ ދުވަހު ފާސްކުރި ޕްލޭނުގައި ހިމެނެނީ ހަމާސް ބަލިކޮށް، ހިފެހެއްޓިފައިވާ ރަހީނުން ދޫކޮށްލުމަށް މަސައްކަތްކުރާނެކަމަށެވެ. އަދި ހަމާސްއިން އެހީ ބެހުމުގެ ކަންތައް ކޮންޓްރޯލް ކުރުން ހުއްޓުވާނެކަމަށެވެ. ނަމަވެސް، ޔޫއެންއާއި އެހީ ޖަމިއްޔާތަކުން ވަނީ މި ޕްލޭނުގެ ސަބަބުން ގިނަ އަދަދެއްގެ މީހުން އަނިޔާވެގެން ދިއުމަށް މަގުފަހިވެގެންދާނެ ކަމަށް ބުނެފައެވެ. މިހާރުވެސް ގައްޒާގެ އާބާދީގެ 90 ޕަސަންޓަށްވުރެ ގިނަ މީހުން ވަނީ އެތަން ދޫކޮށް ގޮސްފައެވެ. އަދި ބަނޑުހައިހޫނުކަން ހަތިޔާރެއްގެ ގޮތުގައި ބޭނުންކުރުމަކީ ހަނގުރާމައިގެ ކުށެއް ކަމަށްވެސް ޔޫރަޕުގެ ގައުމުތަކުން ބުނެއެވެ.
