އަބްދުއްރަހީމް މިހެން ވިދާޅުވީ މަޖިލިސް މެމްބަރުންގެ މިނިވަންކަން ނެތް ކަމަށް ވިދާޅުވެ އެމްޑީޕީއަށް ނިސްބަތްވެވަޑައިގަންނަވާ ވައިކަރަދޫ ދާއިރާގެ މެމްބަރު ހުސެއިން ޒިޔާދު ވިދާޅުވުމުންނެވެ.
މި ވާހަކަތަކާއި ގުޅިގެން އަބްދުއްރަހީމް ވިދާޚުވީ މެމްބަރުން ޕާޓީ ބަދަލުކުރިނަމަވެސް ގޮނޑި ގެއްލޭނެކަމަށް ގާނޫނު އަސާސީގައި ބަޔާންކޮށްފައި ނުވާނެކަމަށެވެ.
އަބްދުއްރަހީމްގެ މި ވަހަކަތަކަށް ރައްދު ދެން ދެއްވީ އިދިކޮޅު އެމްޑީޕީއަށް ނިސްބަތްވާ ހުޅުމާލެ ދެކުނު ދާއިރާގެ މެމްބަރު އަހުމަދު ޝަމްހީދުއެވެ. އޭނާ ތުހުމަތު ކުރެއްވީ އަބްދުއްރަހީމް ދޮގު ހެއްދެވިކަމަށެވެ. އެގޮތުން ގާނޫނުއަސާސީއަށް ގެނައި ބަދަލުގެ ބައެއް ތަޅުމުގައި ޝަމްހީދު ވަނީ ކިޔުއްވާފަ އެވެ.
މިވާހަކަތަކަށްވެސް އަބްދުއްރަހީމް ވަނީ ރައްދުދެއްވާފައެވެ. އެގޮތުން ގާނޫނު އަސާސީއަށް ގެނައި ބަދަލާއި އެކު ގަވައިދެއް ހަދަންޖެހޭކަމަށެވެ.
މި ސަރުކާރުން މިދިޔަ އަހަރުގެ ނޮވެމްބަރު 20 ގައި ގާނޫނުއަސާސީއަށް ގެނައި ބަދަލުގައި މަޖިލިސް މެމްބަރުންގެ ގޮނޑި ގެއްލޭނެ ތިން ގޮތެއްވަނީ ހިމަނާފައެވެ. އޭގައި ބުނެފައިވަނީ މެމްބަރަކު ޕާޓީން ވަކިވެއްޖެނަމަ، ޕާޓީ ބަދަލުކޮށްފިނަމަ ނުވަތަ ޕާޓީން ވަކިކޮށްފިނަމަ އެމީހެއްގެ ގޮނޑި ގެއްލޭނެއެވެ.
