މި މަހުގެ ފަސް ވަނަ ދުވަހުގެ ރޭ ފިލައިގެން ދާން އުޅުނު ޕިކަޕަކުން މި ސިނގިރޭޓުތައް މަގުމައްޗަށް ދޫކޮށްލާފައި ދިޔަކަމަށް ފުލުހުން މައުލޫމާތު ދީފައިވެއެވެ.
މި މައްސަލައިގައި ބަނގުލަދޭޝްގެ ތިން މީހަކު ފުލުހުން ވަނީ ހައްޔަރުކޮށްފައެވެ. އަދި ކްރިމިނަލް ކޯޓުން އެ މީހުންގެ ބަންދަށް ފަސް ދުވަސް ވަނީ ޖަހާފައެވެ. ކްރިމިނަލް ކޯޓުން ނެރުނު ބަންދު އަމުރުގައިވާ ގޮތުން ސިނގިރޭޓު ކާޓަންތައް ގެއްލުނީ ބިދޭސީން މަސައްކަތް ކުރަމުންދާ "ސީނިއާ އިންޓަނޭޝަނަލް ޕްރައިވެޓް ލިމިޓެޑް" ކުންފުނީގެ ބޮންޑެޑްވެއާ ހައުސްއިންނެވެ.
ހައްޔަރުކުރެވުނު ތިން މީހުންގެ މައްޗަށް ފުލުހުން ކުރަނީ ވައްކަމުގެ ތުހުމަތެވެ. ހައްޔަރުކުރެވުނު ބިދޭސީން ބުނެފައިވަނީ ސިނގިރޭޓު ކާޓަންތައް ހުރި ދަބަސް ޕިކަޕަށް އެރުވީ އުޖޫރައަށް އެ މަސައްކަތް ކޮށްދޭން ބިދޭސީއަކު އެދިގެން ކަމަށެވެ. މި މައްސަލައިގެ ތަހުގީގު ފުލުހުން ދަނީ ކުރަމުންނެވެ.
