މިއަދު ހެނދުނު ފުރީ 250 ހައްޖުވެރިންނެވެ. ހެނދުނު 7:12 ގައި ފުރި މި ހައްޖުވެރިންނަށް ޖިއްދާއަށް ދެވޭނެކަމަށް ލަފާކުރެވެނީ ރާއްޖޭ ގަޑިން މެންދުރު 12:55 ގައި ކަމަށެވެ. އެއީ މައްކާ ގަޑިން ހެނދުނު 10:55 ގައެވެ.
ދިވެހިން ހައްޖުވެރިންގެ ތިންވަނަ ގްރޫޕް ފުރީ ގައުމީ އެއާލައިން މޯލްޑިވިއަން ގައެވެ. މިއީ މޯލްޑިވިއަނުން މި ފަހަރު ހައްޖާޖީން ގޮވައިގެން ދަތުރުކުރާ ދެވަނަ ފްލައިޓެވެ.
މިއަދު ފުރި ހައްޖުވެރިން އެއާޕޯޓްގައި ނަމާދުކުރަނީ
މި އަހަރު ރާއްޖެއިން ހައްޖަށްދާ ހައްޖުވެރިން ފުރަން ފެށީ މިދިޔަ ހޯމަދުވަހުއެވެ. ދިވެހި ހައްޖުވެރިންގެ ފަހު ފްލައިޓް ފުރުމަށް ހަމަޖެހިފައިވަނީ މާދަމާއެވެ.
މިއަހަރު ރާއްޖެއިން ހައްޖަށްދާ 1000 ހައްޖުވެރިންގެ ތެރެއިން 499 ހައްޖުވެރިން މިހހާރު ތިބީ މައްކާގައެވެ. މި ހުރިހާ ހައްޖުވެރިންގެ ހާލުވެސް ރަނގަޅުކަމަށް ދިވެހި ހައްޖުމިޝަނުން ވަނީ ބުނެފައެވެ.
