ކުރީގެ ހޯމް މިނިސްޓަރު އިމްރާން އަބްދުﷲ - ފޮޓޯ:މަޖިލިސް
ބަޔަކު ޑރ. އަބްދުލް މަޖީދު ޝަހީދު ކޮށްލީ ކަމަށް އިމްރާން ވިދާޅުވެއްޖެ
މުހައްމަދު އާދަމް އަހްމަދު
14 ޖޫން 2025 - 08:10:20
ރާއްޖޭގެ މަޝްހޫރު ދީނީ އިލްމުވެރިޔާ ޑރ. އަބްދުލް މަޖީދު އަބްދުލް ބާރީ ބަޔަކު ޝަހީދު ކޮށްލީ ކަމަށް އަދާލާތު ޕާޓީގެ ރައީސް އިމްރާން އަބްދު ﷲ ވިދާޅުވެއްޖެއެވެ.
Advertisement
ރާއްޖޭގެ ފުރަތަމަ އިސްލާމިކް މިނިސްޓަރު ޑރ އަބްދުލް މަޖީދު އަބްދުލް ބާރީ އަވަހާރަވީ 2018 ވަނަ އަހަރު މޭއި މަހުގެ 22 ވަނަ ދުވަހުއެވެ.
ޝެއިހް އިމްރާްން އެކްސްގައި ކުރެއްވި ޕޯސްޓެެއްގައި ވިދާޅުވީ ބަޔަކު ޑރ. އަބްދުލް މަޖީދު ޝަހީދު ކޮށްލީކަމަށް ހީވެފައި އޮތް އޮތުން މިހާރު ޔަގީންވެއްޖެ ކަމަށެވެ.
" ޑރ އަބްދުލްމަޖީދު ރަޙިމަހުالله ގެ ކުއްލި މަރާ ގުޅިގެން މިއޮތް ހުރިހާދުވަހު ހިތުގައި އުފެދިފައި އޮތް ޝައްކު މިހާރު ޔަގީންވާ ހިސާބައް އަތުވެއްޖެއެވެ. އާއެކެވެ، ޑޮކްޓަރ މަޖީދު ބަޔަކު ޝަހީދުކޮށްލީއެވެ." އިމްރާން އެކްސްގައި ކުރެއްވި ޕޯސްޓްގައިވެއެވެ.
ޑރ މަޖީދު އަވަހާރަވި ފަހުން 6 އަހަރު ވެގެން ދިޔައިރު މިފަދަ ތުހުމަތެއް މީގެ ކުރިން އެއްވެސް ފަރާތަކުން މި މަރާއި ގުޅިގެން ކޮށްފައި ނުވެއެވެ. އިމްރާންވެސް މި ތުހުމަތުތައް ކުރި ސަބަބެއް އަދި އެކަމުގެ ތަފްސީލެއްވެސް ހިއްސާކޮށްފައެއް ނުވެއެވެ.
ރާއްޖޭގެ މަޝްހޫރު ދީނީ އިލްމުވެރިޔާ އަފްރާޝީމްވެސް ވަނީ ޝަހީދު ކޮށްލާފައެވެ.
20%
ކަމުގޮސްފި
60%
އަޑުއެހިތާ މިހުރީ
0%
ސަތޭކައަކުން ސުމެއް
20%
ވަރަށް ސަލާމް
ކޮމެންޓްސް
