Advertisement

ސްޓެލްކޯއިން ބުނީ ކަރަންޓް ކަނޑަނީ އެ ކުންފުނީގެ ކަރަންޓު ވިއުގަ އަޕްގްރޭޑް ކުރުމަށް ޑިސްޓްރިބިއުޝަން ނެޓްވޯކުގައި ކޮންމެހެން ކުރަންޖެހޭ މަސައްކަތްތަކެއް ކުރުމަށްކަމަށެވެ. 

އއެގޮތުން މާލެއާއި ހުޅުމާލޭ ބައެއް ސަރަހައްދުތަކުން ކަރަންޓް ދިއުން އެކަށީގެންވާކަމަށް ސްޓެލްކޯއިން ބުނެއެވެ. 

ކަރަންޓް ކެނޑިދާނެ ސަރަހައްދުތައް 

• މާލެސިޓީ، ބުރުޒުމަގު އަދި އައިމިނާރަނި ހިނގުން ހިމެނޭ ސަރަހައްދުން ހެނދުނު 10:00 އާއި 12:00 އާ ދެމެދު  
• މާލެސިޓީ، ބޮޑުތަކުރުފާނު މަގު، ހަވީރީ ހިނގުން، ލައިނޫފަރު ހިނގުން އަދި މީރުބަހުރު ހިނގުން ހިމެނޭ ސަރަހައްދުން ހެނދުނު 09:00 އާއި 12:00 އާ ދެމެދު. 
• މާލެސިޓީ، ގުލޭނޫރަން މަގު، ސިއްކަގޯޅި، އަދި ކަރަންކާމަގު ހިމެނޭ ސަރަހައްދުން މެންދުރުފަހު 14:00 އާއި 16:00 އާ ދެމެދު.
• މާލެސިޓީ، ހުޅުމާލެ ފުރަތަމަ ފިޔަވަހި، ނިރޮޅުމަގު، ދިއްގާމަގު، ހިރުނދުމަގު އަދި ނިރޮޅު މަގު ގޯޅި 11،12،13 ހިމެނޭ ސަރަހައްދުން ހެނދުނު 10:00 އާއި 11:00 އާ ދެމެދު  

ސްޓެލްކޯއިން ބުނީ ކަރަންޓު ވިއުގަ އަޕްގްރޭޑް ކުރުމުގެ މަސައްކަތް ނިންމުމުން ވީ އެންމެ އަވަހަކަށް ކަރަންޓު އަލުން ދިނުމުގެ މަސައްކަތް ކުރާނެކަމަށެވެ. އަދި ކަރަންޓުގެ ‏‏ހިދުމަތް މެދުކެނޑިގެންދާ ވަގުތުގައި ކަސްޓަމަރުންނަށް ދިމާވާނެ ދަތިތަކަށް މާފަށް އެދޭކަމަށް ސްޓެލްކޯއިން ވަނީ ބުނެފައެވެ.