މިއީ ހަގީގީ ހާދިސާތަކެއްގެ މައްޗަށް ބިނާކޮށް ތައްޔާރުކޮށްފައިވާ ފިލްމެކެވެ. އެ ފިލްމުގެ މަންޒަރުތައް ނަގާފައި ވަނީ ޅ. ހިންނަވަރުގަ އާއި ލ. އަތޮޅުގެ އެކި ސަރަހައްދުތަކުގަ އެވެ.
ކްރިއޭޓިވް ނެޓްވޯކުން ބުނީ ލިލީ އަކީ ތުރިލާ ކްރައިމް ޖޯންރާގެ ފިލްމެއް ކަމަށެވެ. އެ ފިލްމުގައި ކުށުގެ ވެށިން މުޖުތަމައުގައި އުފެދޭ ގިނަ މައްސަލަތަކަކަށް އަލި އަޅުވާލާފައިވާނެ ކަމަށް އެ ޕްރޮޑަކްޝަން ހައުސްއިން ބުންޏެވެ.
ފިލްމުގެ މުހިއްމު ރޯލުތަކުން ފެންނާނީ ޒުވާން ފަންނާނުން ކަމަށްވާ އައިޝާ އަލީ އާއި މަރިޔަމް ޝިމާގެ އިތުރުން މުހައްމަދު އިޝްފާނާއި އަހުމަދު ޝާރިފެވެ. އޭގެއިތުރުން ފިލްމުގެ މުހިންމު އެހެން ރޯލްތަކުން އަހުމަދު ނިމާލް އާއި މަރިޔަމް ހަލީމް އާއި އައިޝަތު އާރިފާ އަދި އަލީ ފާރޫގު އާއި މުހައްމަދު ވަހީދު ވެސް ފެނިގެންދާނެ ކަމަށް ކްރިއޭޓިވް ނެޓްވޯކުން ބުންޏެވެ.
ދިވެހި ޕްރޮޑިއުސަރު އަޒްހާން އިބްރާހީމްގެ ފީޗާ ފިލްމު އޮލިމްޕަހުގައި ލިލީ އަޅުވާނެ ތާރީހަކާއި އެ ފިލްމުގެ އިތުރު ތަފުސީލުތައް ކުރިއަށް އޮތް ދުވަސްތަކުގައި ހާމަކުރަމުން ދާނެ ކަމަށް ކްރިއޭޓިވް ނެޓްވޯކުން ބުންޏެވެ.
