މިހާތަނަށް 71 މީހަކާއެކު އެގްރީމަންޓުގައި ސޮއިކޮށްފައިވާއިރު، ހައުސިން މިނިސްޓްރީން އިތުރު 2،665 މީހެއްގެ މައުލޫމާތު ފޮނުވާފައިވާތީ، އެ ފަރާތްތަކާއެކު އެގްރީމަންޓް ހެދުމުގެ މަސައްކަތް މިހާރު ދަނީ ކުރިއަށެވެ.
އެގްރީމަންޓުގައި ސޮއިކުރުމުގެ މަސައްކަތް ކުރިއަށްދަނީ ހުޅުމާލޭ ސިންތެޓިކް ޓްރެކްގައި ރަސްމީ ބަންދު ނޫން ދުވަސްތަކުގައި ހެނދުނު 9:00 އިން ހަވީރު 4:00 އަށެވެ.
ފްލެޓަށް ޝަރުތު ހަމަވާ ފަރާތްތައް ހޭލުންތެރިކުރުމަށް މަސައްކަތްތަކެއް ފެށުމަށް އެފްޑީސީން ނިންމާފައިވެއެވެ. ފްލެޓަށް ދައްކަންޖެހޭ ސެކިއުރިޓީ ޑިޕޮސިޓަކީ ދެ ކޮޓަރީގެ އެޕާޓްމަންޓަށް 15،000 ރުފިޔާ އަދި ތިން ކޮޓަރީގެ އެޕާޓްމަންޓަށް 25،000 ރުފިޔާއެވެ.
އެފްޑީސީން ދީފައިވާ މައުލޫމާތުގައިވާ ގޮތުން، އެގްރީމަންޓްތަކުގައި ސޮއިކުރުމުގެ މަސައްކަތް އަންނަ ސެޕްޓެމްބަރު މަހުގެ ނިޔަލަށް ނިންމާ، ފްލެޓްތަކުގައި ދިރިއުޅުމުގެ ހުއްދަ ދޭން ފެށޭނެއެވެ.
