މޫސުން ގޯސް ދުވަހެއް: ފޮޓޯ ސީކްރެޓް ޕެރަޑައިސް
ހއ. އިން ތ. އަތޮޅަށް ވައިޓް އެލާޓް: ވިއްސާރައާއި ގުގުރުމުގެ އިންޒާރު
ގުފްތަގް އަޖީރު
31 ޖުލައި 2025 - 15:31:53
ހއ. އިން ތ. އަތޮޅަށް ހުރި ސަރަހައްދުތަކަށް ވައިޓް އެލާޓެއް މޯލްޑިވްސް މީޓިއޮރޮލޮޖިކަލް ސާވިސް (މެޓް) އިން މިއަދު ނެރެފިއެވެ.
Advertisement
މި އެލާޓް ދެމިއޮންނާނީ ހެނދުނު 11:30 އިން ފެށިގެން ހަވީރު 17:30 އާ ހަމައަށެވެ. މި ވަގުތުގައި ވިއްސާރައާއި ގުގުރުމާއެކު ގަދަ ވައި ޖެހުން އެކަށީގެންވާ ކަމަށް މެޓް އޮފީހުން ބުންޏެވެ.
މެޓް އޮފީހުން ދިން މައުލޫމާތުގައިވާ ގޮތުން، މި ސަރަހައްދުތަކުގައި ގަޑިއަކު 19 މޭލާއި 24 މޭލާ ދެމެދުގެ ބާރުމިނުގައި ވައި ޖެހޭނެއެވެ. އަދި ވިލާގަނޑުގައި ގަޑިއަކު 45 މޭލަށް ވައި ގަދަވުން އެކަށީގެންވެއެވެ.
މީގެ އިތުރުން ކަނޑުތައް ވެސް ގަދަވެ، ރާޅުގެ އުސްމިން 4 ފޫޓާއި 7 ފޫޓާ ދެމެދުގައި ހުރުން އެކަށީގެންވާ ކަމަށް ލަފާކޮށްފައިވެއެވެ.
މިއަދު ހަވީރު 18:00 އާ ހަމައަށް މޫސުން ލަފާކޮށްފައިވާ ގޮތުގައި، ރާއްޖޭގެ މެދު ރާއްޖެތެރެއާއި ދެކުނުގެ ބައެއް ރަށްތަކަށް ބޯކޮށް ވާރޭވެހުން އެކަށީގެންވާ ކަމަށް މެޓް އޮފީހުން ބުންޏެވެ.
ރާއްޖޭގެ އެކި ހިސާބަށް ވިއްސާރަ ކުރުމާއެކު ގުގުރާނެ ކަމަށްވެސް ލަފާކޮށްފައިވެއެވެ. ރާއްޖޭގެ ބޮޑު ބަޔަށް ވައި ޖެހޭނީ ހުޅަނގާއި ހުޅަނގު އުތުރުންނެވެ.
67%
ކަމުގޮސްފި
0%
އަޑުއެހިތާ މިހުރީ
33%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
