ސައީދު ބޭސްފަރުވާއަށް އިންޑިއާއަށް ދާން އެދުމުން ޕީޖީ އޮފީހުން ކުރިން ވަނީ އޭނާގެ ޕާސްޕޯޓް ދޫކޮށްދޭން ކްރިމިނަލް ކޯޓަށް ލަފާދީފައެވެ.
ޕީޖީ އޮފީހުން ބުނީ ބޭސްފަރުވާއަށް ސައީދު އިންޑިއާއަށް ދިޔުމަށް ހުއްދަ ދޭން އިއުތިރާޒެއް ނެތް ކަމަށް ކްރިމިނަލް ކޯޓަށް ކުރިން އެ އޮފީހުން ލަފާދިނީ ސައީދުގެ ފަރާތުން ހުށަހެޅި ލިޔެކިޔުންތަކަށް ރިއާޔަތް ކުރުމަށްފަހު ކަމަށެވެ.
އެެހެންނަމަވެސް ފަހުން އެ ނިންމުން ބަދަލުކޮށްފައިވާކަމަށް ޕީޖީ އޮފީހުން ބުނެއެވެ. ސަބަބެއްކަމަށް ބުނީ ފުލުހުންގެ ފަރާތުން ހުށައެޅި އިންޓެލިޖެނެސް ރިޕޯޓްކަމަށް ޕީޖީ އޮފީހުން ބުނެއެވެ. އެހެންނަމަވެސް އެ ރިޕޯޓްގެ ތަފްސީލަކަށް ޕީޖީން އޮފީހަކުން ނުދެއެވެ.
އޭސީސީން ވަނީ ކޮރަޕްޝަން މައްސަލަތަކެއްގައި ސައީދަށް ދައުވާކުރަން ފޮނުވާފަ އެވެ. އަދި އޭނާއާ ގުޅޭ ބޮޑު ހަ މައްސަލައެއް ތަހުގީގުކުރަމުން އަންނަ ކަމަށް ވެސް އެ ކޮމިޝަނުން ބުނެފައި ވެ އެވެ. މި ތުހުމަތުތައް ކުރެވުނަސް ސައީދު ވަނީ ހިޔާނާތުގެ އެއްވެސް ކަމެއް ހިންގާފައި ނުވާނެ ކަމަށް ތަކުރާރުކޮށް ވިދާޅުވެފަ އެވެ.
