މީޑިއާގެ މިނިވަންކަން ހަނިކުރަން ސަރުކާރަށް ތާއިދުކުރާ ތުޅާދޫ ދާއިރާގެ އަމިއްލަ މެމްބަރު އަބްދުއްހަންނާން އަބޫބަކުރު ހުށައެޅި ބިލުގެ ބަހުސް މަރުހަލާގައި ވާހަކަ ފަލާހް ވަނީ ނޫސްވެރިން އުލު ބައިދަން ޖެހޭކަމަށް ބުނެ ނޫސްވެރިންނަށް އިންޒާރު ދެއްވާފައެވެ.
އެ މައްސަލަ ހޫނުވެ ފުލުހުން އެ މައްސަލަ ބެލުމަށް ޕީޖީގެ ލަފާ ހޯދާކަން އިއުލާންކުރިތާ މާގިނަ އިރުތަކެއް ނުވަނީސް އަނެއްކާވެސް ފަލާހު މިވަނީ ނޫސްވެރިންނަށް އިންޒާރު ދޭ އުސޫލުން ވާހަކަ ދައްކަވާފައެވެ. އަދި ނޫސްވެރިންނަކީ އިސްލާމް ދީން ނޫން ދީންތައް މި ގައުމަށް ގެނައުމަށް ވަކާލާތު ކުރާ ބައެއްކަމަށްވެސް ފަލާހް ވަނީ ސިފަކުރައްވާފައެވެ.
އަދި އޭނާ ދެއްކި ވާހަކަތަކާއި ގުޅިގެން ޖަލަށް ލިޔަސް ހެޔޮކަމަށާއި އެތަނުގައި އެންމެ ގިނަ ވާނީ ނޫސްވެރިންކަމަށްވެސް ފަލާހް ވަނީ ވިދާޅުވެފައެވެ.
މީޑިއާތަކުން މަސައްކަތް ކުރާ ގޮތުން އެ މީޑިއާގެ މުވައްޒަފުން އުލުބައިންދަން ޖެހޭ ކަމަށް ފަލާހު ދެއްކެވި ވާހަކަ ދިފާއުކޮށް އޭނާ މިރޭ ވަނީ ވާހަކަ ދައްކަވާފައެވެ. ކްސްގައި ކުރެއްވި ޕޯސްޓެއްގައި ފަލާހު ވިދާޅުވީ އޭނާ "މީހަކު މަރަން ބުނެފައެއް" ނޯންނާނެ ކަމަށެވެ.
